ഭാവിയുടെ പരീക്ഷണശാല

ജീവിതശൈലി, ആശയവിനിമയം, സ്വകാര്യതയെ സംബന്ധിച്ച കാഴ്ചപ്പാട് എന്നിവയിലെ മാറ്റങ്ങൾ ഡിസൈനിലും പ്രതിഫലിക്കണം

- 

അമ്മയുടെ വർത്തമാനങ്ങളിൽ നിന്നാണ് വീടിന്റെ ഡിസൈനിലെ "പൊളിറ്റിക്സ് ഞാൻ മനസ്സിലാക്കിത്തുടങ്ങുന്നത്. എഴുപതുകളിലെ ജോലിക്കാരിയായ വീട്ടമ്മയായിരുന്നു അമ്മ. മറ്റു മുറികളുമായി യാതൊരു ബന്ധവുമില്ലാത്ത, ആവശ്യത്തിനു കാറ്റും വെളിച്ചവും കടക്കാത്ത മുറിയായിരുന്നു ഞങ്ങളുടെ അടുക്കള. ഞങ്ങളു ടെ മാത്രമല്ല, ഒട്ടുമിക്ക വീടുകളിലെ അടുക്കളകളും അന്ന് അങ്ങനെയായിരുന്നു. വലുതായി ഒരു ആർക്കിടെക്ട് ആയി മാറിയപ്പോഴും പലരും പറയുന്നതുപോലെ വീടിനെ സ്വപ്നങ്ങളുടെ കൂടാരം' എന്ന രീതിയിൽ കാണാൻ എനിക്ക്  കഴിഞ്ഞിരുന്നില്ല. വീട് എന്നാൽ "ഫങ്ഷനൽ പ്രോഡക്ട് ആണെന്നാണ് അന്നും ഇന്നും എന്റെ പക്ഷം. ഭംഗിയേക്കാൾ വലുപ്പത്തേക്കാൾ അത് ഉപയോഗിക്കുന്നവരുടെ സൗകര്യത്തിന് ഇണങ്ങുന്നതാകണം. അതുകൊണ്ടാണ് കാക്കനാട്ട് താമസിച്ചിരുന്ന വില്ല ഞങ്ങൾ പുതുക്കിപ്പണിതത്. ഞങ്ങൾ എന്നു പറയുമ്പോൾ ഞാനും പങ്കാളി ആർക്കിടെക്ട് പി. സി. മാത്യുവും. പലരും പ്രതീക്ഷിക്കുന്നതു പോലെ ആർക്കിടെക്ടിന്റെ സ്റ്റൈൽ സ്റ്റേറ്റ്മെന്റ്' എന്ന രീതിയിലേക്ക് വീടിനെ മാറ്റാനായിരുന്നില്ല പുതുക്കൽ. താമസക്കാരായ അഞ്ച് പേരുടെ - രണ്ട് ആർക്കിടെക്ട്മാരും രണ്ട് കുട്ടികളും തൊണ്ണൂറു വയസ്സായ അമ്മയും ഉൾപ്പെടുന്ന മൂന്ന് തലമുറകളുടെ ജീവിതതാളത്തിനൊത്ത് വീടിനെ ക്രമപ്പെടുത്തുകയായിരുന്നു ലക്ഷ്യം. സ്വന്തം വീടായതിനാൽ എന്തും ചെയ്യാനുള്ള സ്വാതന്ത്ര്യമുണ്ടായിരുന്നു. ജെൻഡർ ന്യൂട്രാലിറ്റി, സ്വകാര്യത, പരിസ്ഥിതി, കാലാവസ്ഥ എന്നിവയുമായി ബന്