കുറുകിയ കാലുള്ള ഡാഷ് ഹണ്ടുകൾ

നട്ടെല്ലിലെ ഡിസ്കുകളുമായും ഇടുപ്പെല്ലിലെ അസ്ഥികളുമായും ബന്ധപ്പെട്ട പ്രശ്നങ്ങൾ ഇക്കൂട്ടർക്കു കൂടുതലാണ്

- ഡോ. പി. ബിജു ചീഫ് വെറ്ററിനറി ഓഫിസർ (റിട്ട.), മൃഗസംരക്ഷണ വകുപ്പ്. ഫോൺ: 7012402803, 6282557734 E-mail: kingdomanimalia2025@gmail.​com

നന്നേ പൊക്കം കുറഞ്ഞ എന്നാൽ ഉഗ്രശബ്ദത്തിൽ കുരയ്ക്കുന്ന ഡാഷ് ഹണ്ട് നായ്ക്കൾ വളരെ പെട്ടെന്ന് ഏവരുടെയും ശ്രദ്ധ പിടിച്ചുപറ്റും. മാളങ്ങളിൽ കയറി ബാഡ്ജർ പോലെയുള്ള ജീവികളെ പിടിക്കാൻ മിടുക്കുള്ളതിനാൽ ബാഡ്ജർ ഡോഗ് എന്നും ഇവർ അറിയപ്പെടുന്നു. ഏതു കാല ഘട്ടത്തിലാണ് ഇവർ ഇന്ത്യയിൽ എത്തിയതെന്നതിനു വ്യക്തമായ രേഖകളില്ല. കയറിയ മാളങ്ങളിലിരുന്ന് ഉഗ്രശബ്ദത്തിൽ കുരയ്ക്കുമ്പോൾ ഇവ എവിടെയാണെന്നു കണ്ടെത്താൻ ഉടമയ്ക്ക് സാധിക്കുന്നു. വീടിനുള്ളിൽ വളർത്താനും യോജ്യർ, ജർമനിയാണ് സ്വദേശം.

രോമക്കുപ്പായത്തിന്റെ സവിശേഷതയനുസരിച്ച് 3 തരം ഡാഷ് ഹണ്ടുകളുണ്ട്. നീളം കൂടിയതും മിനുസമുള്ളതുമായ രോമമാണ് ഒരു കൂട്ടർക്ക്. നീളം കുറഞ്ഞ, മിനുസമുള്ള രോമമാണ് ചിലർക്ക്. നീളം കൂടിയതും ചുരുണ്ടതുമായ രോമമാണ് മൂന്നാമത്തെ കൂട്ടർക്ക്. ശരീരവലുപ്പം അനുസരിച്ചു മിനിയേച്ചർ, സ്റ്റാൻഡേർഡ് എന്നിങ്ങനെയും തരം തിരിക്കാം. ഇവയിൽ രണ്ടാമത്തെ കൂട്ടരാണ് നമ്മുടെ നാട്ടിൽ കൂടുതലും. ബീഗിൾ, ബാറ്റ് ഹൗണ്ട്, കോക്കർ സ്പാനിയേൽ മുതലായ ഇനങ്ങൾക്കും കുറുകിയ കാലുകളാണുള്ളത്.

ഇവരുടെ ഗുണമേന്മകൾ: