കറുവ

രുചിക്കൂട്ടിൽ മാത്രമല്ല, ഔഷധക്കൂട്ടിലും കറുവപ്പട്ടയ്ക്കു സ്ഥാനമുണ്ട്

- ഡോ. ഗോപാലകൃഷ്ണൻ വലിയവീട്ടിൽ അഡീഷനൽ ഹെഡ്(മെറ്റീരിയൽസ് & ചീഫ് മെഡിക്കൽ ഓഫിസർ, കോട്ടയ്ക്കൽ ആര്യവൈദ്യശാല. ഫോൺ: 9847286663

ആഹാരത്തിലെന്നപോലെ ഔഷധങ്ങളിലും ഉപയോ കറുവ. Cinnamomum zelylanica Blume എന്നതാണ് യഥാർഥ കറുവയുടെ ശാസ്ത്രീയ നാമം. ഇതിനെയാണ് True Cinnamon, Sreelankan cinnamon, ഇലവംഗം എന്നൊക്കെ വിളിക്കുന്നത്. എന്നാൽ അൽപം വിഷസ്വഭാവമുള്ള കറുവയുടെ തൊലിയാണ് (Chinese Cinnamon) ഇന്ന് വിപണിയിൽ കൂടുതലായി കണ്ടുവരുന്നത്. ഇതിൽ ആരോഗ്യത്തിന് ദോഷകരമായ രാസവസ്തുക്കൾ അടങ്ങിയിരിക്കുന്നതായി പഠനങ്ങൾ വ്യക്തമാക്കുന്നു. 6-8 മീറ്റർ വരെ ഉയരത്തിൽ വളരുന്ന നിത്യഹരിത വൃക്ഷമാണ് കറുവ, ഇതിന്റെ തൊലിയാണ് മസാലകളിലും ഔഷധങ്ങളിലും ചേരുവ. വീട്ടിൽ വളർത്തിയാൽ അത്യാവശ്യ ഘട്ടങ്ങളിൽ മരുന്നിനും ഒപ്പം, ഭക്ഷണത്തിലെ വിഷരഹിത ചേരുവയായും ഇതു പ്രയോജനപ്പെടും. തൊലി ഉണക്കിപ്പൊടിച്ചത് 375 മി.ഗ്രാം മുതൽ 1000 മി.ഗ്രാം വരെയും ഓയിൽ 2 മുതൽ 5 തുള്ളി വരെയുമാണ് ദിവസം കഴിക്കാവുന്ന പരമാവധി കറുവപ്പട്ടയുടെ അളവ്.