മിത്രകുമിളിനു മിത്രം കുമ്മായം

കുമ്മായപ്രയോഗത്തോടൊപ്പം ജീവാണുവളങ്ങളും നൽകാൻ സഹായകമായ സാങ്കേതികവിദ്യ

- വിവരങ്ങൾക്ക് കടപ്പാട്: ഡോ. വി ശ്രീനിവാസൻ, ഡോ. ആർ പ്രവീണ, ഡോ. ലിജോ തോമസ്, ശ്രീനാഥ് സി.ജി.

മണ്ണിന്റെ അമ്ല-ക്ഷാര നില (പിഎച്ച്) തുല്യമാണെങ്കിൽ മാത്രമേ ചെടികൾക്കു മികച്ച ഉൽപാദനക്ഷമത നേടാനാവുകയുള്ളൂ. മണ്ണിലൂടെ പകരുന്ന സസ്യരോഗങ്ങളെ നിയന്ത്രിക്കുന്നതിനു ട്രൈക്കോഡെർമ പോലുള്ള ജീവാണുവളങ്ങളും ആവശ്യമാണ്. രാസവളങ്ങളെ അപേക്ഷിച്ച് ഇത്തരം ജൈവകുമിളുകളുടെ ഉപയോഗമാണ് മണ്ണിന്റെ ഘടനയ്ക്ക് ഏറ്റവും നല്ലത്. ഈ രണ്ടു ധർമങ്ങളും ഒരുമിച്ചു നിറവേറ്റുന്നതിനു കോഴിക്കോട് ചേലവുരിലുള്ള ഭാരതീയ സുഗന്ധവിള ഗവേഷണസ്ഥാ പനം പുതുതായി വികസിപ്പിച്ച ഉൽപന്നമാണ് "ട്രക്കോലം'. ഗവേഷണകേന്ദ്രം വികസിപ്പിച്ച സാങ്കേതികവിദ്യയിലൂടെ ട്രൈക്കോഡെർമയുടെ മാധ്യമമായി കുമ്മായം ഉപയോഗിച്ചാണ് "ട്രൈക്കോ ലൈം' വികസിപ്പിച്ചത്.

അമ്ല നിയന്ത്രണവും ട്രൈക്കോഡെർമയും

ഇന്ത്യയുടെ 28 ശതമാനവും കേരളത്തിലെ 90 ശതമാനവും അമ്ലനില കൂടുതലുള്ള മണ്ണാണ്. ഇത്തരം മണ്ണിൽ നിന്നു ചെടികൾക്കാവശ്യമായ പോഷകങ്ങൾ ലഭ്യമാവാൻ പ്രയാ സമാണ്. അതുകൊണ്ടുതന്നെ മണ്ണിലെ അമ്ലതയുടെ അള വു നിയന്ത്രിക്കേണ്ടത് അനിവാര്യം. പൊതുവേ കുമ്മായമാണ് ഇതിനായി ഉപയോഗിച്ചുവരുന്നത്.