സംഗീതമേ ജീവിതം...

വഴിവിളക്കുകൾ

- ഡോ. കെ. ഓമനക്കുട്ടിയമ്മ

സംഗീതപാരമ്പര്യമുള്ള കുടുംബമാണ് ഞങ്ങളുടേത്. അച്ഛൻ കർണാടക സംഗീതജ്ഞനും അമ്മ സംഗീതാധ്യാപികയുമായിരുന്നു. അച്ഛന്റെ അച്ഛൻ പരമേശ്വരൻ നായർ മൃദംഗവിദ്വാനായിരുന്നു. മലബാറിൽ പോയി സംഗീതം പഠിച്ചതു കാരണം അച്ഛനെ മലബാർ ഗോപാലൻ നായർ എന്നാണ് എല്ലാവരും വിളിച്ചിരുന്നത്. ആദ്യകാലത്തെ സംഗീതനാടകങ്ങളിൽ പാടിയിരുന്ന അച്ഛൻ, യേശുദാസിന്റെ അച്ഛൻ അഗസ്റ്റിൻ ജോസഫിന്റെ സതീർഥ്യനുമായിരുന്നു. അച്ഛൻ, ശിഷ്യയായ കമലാക്ഷിയമ്മയെ വിവാഹം ചെയ്യുകയും ഞങ്ങൾ മൂന്നു മക്കൾ ഉണ്ടാവുകയും ചെയ്തു. ചേട്ടൻ എം.ജി. രാധാകൃഷ്ണനും അനിയൻ എം.ജി. ശ്രീകുമാറും. പതിമൂന്നുവയസ്സ് വ്യത്യാസമുള്ളതുകൊണ്ട് എം.ജി. ശ്രീകുമാറിന് എന്റെ ജീവിതത്തിൽ ഒരു മകന്റെ സ്ഥാനമാണുള്ളത്.