കൊതിയൂറും വിഭവങ്ങൾ

ചിക്കൻ കുഷ്ക

- സുരേഷ് പിള്ള

ചേരുവകൾ

ചിക്കൻ ഒരു കിലോ (കഷണങ്ങളാക്കി അല്പം മഞ്ഞൾപൊടി, കുരുമുളക് പൊടി, ഉപ്പ് എന്നിവ ചേർത്തിളക്കി ഒരു മണിക്കൂർ ഫ്രിഡ്ജിൽ വയ്ക്കണം). വെജിറ്റബിൾ ഓയിൽ 4 ടേബിൾ സ്പൂൺ, ഗ്രാമ്പൂ 10 എണ്ണം, ഏലയ്ക്ക - 8 എണ്ണം, കറുവപ്പട്ട 2 കഷണം, വഴനയില 3 എണ്ണം, ജാതിപത്രി 4 എണ്ണം, ഇഞ്ചി പേസ്റ്റ് 2 ടേബിൾ സ്പൂൺ, വെളുത്തുള്ളി പേസ്റ്റ് 2 ടേബിൾ സ്പൂൺ, തക്കാളി 4 എണ്ണം അരിഞ്ഞത്, മഞ്ഞൾപൊടി അര ടീസ്പൂൺ, കശ്മീരി മുളകുപൊടി ഒന്നര ടേബിൾ സ്പൂൺ, മല്ലിപ്പൊടി ഒരു ടേബിൾ സ്പൂൺ, തൈര് കാൽ കപ്പ്, മല്ലിയില 5 തണ്ട് (ചെറുതായി അരിഞ്ഞത്). പുതിനയില 5 തണ്ട് (ചെറുതായി അരിഞ്ഞത്). പച്ച മുളക് 5 എണ്ണം, ജീരകശാല(കൈമ അരി) ഒരു കിലോ (കഴുകി ആവശ്യത്തിന് വെള്ളത്തിൽ അര മണിക്കൂർ കുതിർത്തു വയ്ക്കുക), ഉപ്പ് ആവശ്യത്തിന്, നാരങ്ങാനീര് 2 ടീ സ്പൂൺ, നെയ്യ് ഒന്നര ടേബിൾ സ്പൂൺ, സവാള 6 എണ്ണം ചെറുതായി അരിഞ്ഞത്, ചൂടുവെള്ളം ഒന്നര ലീറ്റർ

തയാറാക്കുന്ന വിധം

ബിരിയാണിച്ചെമ്പിൽ ഓയിൽ ഒഴിച്ച് ഗ്രാ മ്പു മുതൽ ജാതിപത്രി വരെയുള്ളവ ചേർത്തശേഷം സവാള ഇട്ട് നന്നായി വഴറ്റിക്ക ഴിഞ്ഞ് ഇഞ്ചി, വെളുത്തുള്ളി പേസ്റ്റ് ചേർത്ത് വീണ്ടും വഴറ്റുക. ഒപ്പം തക്കാളി ചേർത്ത് വഴറ്റി ഉടഞ്ഞു വരുമ്പോൾ മഞ്ഞൾ പൊടി മുതൽ മല്ലിപ്പൊടി വരെയുള്ളവ ചേർത്ത് നന്നായി വഴറ്റണം. ശേഷം ചിക്കൻ ചേർത്തിളക്കി ഇടത്തരം തീയിൽ വെള്ളം ഒഴിക്കാതെ മൂടി 2 മിനിറ്റ് വേവിക്കാം.

അതുകഴിഞ്ഞ് തുറന്ന് ഇളക്കി തൈര്, മല്ലിയില, പുതിനയില, പച്ചമുളക് എന്നിവ ചേർത്ത് ഒന്നുകൂടി ഇളക്കി കുറച്ചു നേരം വേവിക്കുക.