വിവാഹ സ്വപ്നങ്ങൾക്ക് നിറം നൽകാൻ വയലറ്റ് വെഡിങ്

ബാപ്റ്റിസം, കല്യാണം, ബർത്ത്ഡേ അങ്ങനെ ഫങ്ഷൻ ഏതും ആയിക്കോട്ടെ, സ്റ്റേജ് മികച്ചതാക്കാൻ, വയലറ്റ് വെഡിങ് കൂടെയുണ്ട്

- 

കളർഫുൾ വിവാഹ വേദി! ത്രസിപ്പിക്കുന്ന നൃത്തചുവടുകളുടെ ഓളത്തിൽ, വരനും വധുവും കല്യാണമണ്ഡപത്തിലേക്ക്. സ്വപ്ന തുല്യമായ വിവാഹ മണ്ഡപം. എന്ത് ആഘോഷം വന്നാലും പരിപാടി കളർഫുള്ളാക്കാൻ ഇവന്റ് മാനേജ്മെന്റ് ടീം വേണമെന്നായി മലയാളികൾക്ക്. സ്റ്റേജ്, അലങ്കാരപ്പണികൾ, കാറ്ററിങ്, ക്യാമറ, ലൈറ്റ് തുടങ്ങി ആഘോഷങ്ങൾ കൊഴുപ്പിക്കാനുള്ള ഡാൻസും പാട്ടും വരെ ഒരുകുടക്കീഴിലെത്തിക്കുകയാണ്. ഒഴിഞ്ഞു കിടക്കുന്ന ഒരു മുറിയെ, ലഭിക്കാവുന്ന ഏറ്റവും മികച്ച വസ്തുക്കൾ കൊണ്ടുതന്നെ ഭംഗിയായി അലങ്കരിച്ച് ജീവനുള്ളതാക്കി മാറ്റുന്നവരെ, കലാകാരന്മാർ എന്നല്ലാതെ മറ്റെന്തു വിളിക്കാൻ? അങ്ങനെയാണെങ്കിൽ, എറണാകുളം മരട് സ്വദേശിയായ ജിത്തു വർഗീസും ഒരു കലാകാരനാണ്.

ചെറുപ്പം മുതലേ ആർട്ട് വർക്കിലും ക്രാഫ്റ്റി നോടും താല്പര്യമുണ്ടായിരുന്ന ജിത്തുവിന്, വലുതാവുമ്പോൾ സിനിമയിലെ ആർട്ട് ഡയറക്ടർ ആവണമെന്നായിരുന്നു മോഹം. എന്നാൽ പഠനശേഷം അദ്ദേഹം തിരഞ്ഞെടുത്ത വഴി സിനിമയുടേത് ആയിരുന്നില്ല, പകരം സ്വസിദ്ധമായി തനിക്ക് കിട്ടിയ കഴിവിനെ മറ്റൊരു രീതിയിലേക്ക് വഴിമാറ്റിവിട്ടു. അങ്ങനെ അതൊരു സംരംഭമായി, പേര് വയലറ്റ് വെഡിങ് ഇവന്റ് മാനേജ്മെന്റ്.

സ്കൂൾ കലോത്സവങ്ങളിലും മറ്റും ക്രാഫ്റ്റ് മേക്കിങ്ങിൽ ഒന്നാമനായി ജയിച്ചു വന്ന ജിത്തു, ജീവിതത്തിലെ പരുക്കൻ യാഥാർത്ഥ്യങ്ങളുമായി പൊരുത്തപ്പെടേണ്ട ഒരു സാഹചര്യത്തിൽ, ബോധപൂർവ്വം സിനിമമേഖലയെ ഒഴിവാക്കി, സ്റ്റേജ് ഡെക്കറേഷനിലേക്ക് കടക്കുകയായിരുന്നു. പക്ഷേ അതൊരു ഒന്നൊന്നര വഴിത്തിരിവായിരുന്നു. ഇന്നീ മേഖലയിലെ കിരീടം വെക്കാത്ത രാജകുമാരനാണ് ജിത്തു.