നല്ലത് മാത്രം വിളമ്പുന്ന പാലാക്കാരൻ

കുട്ടനാടിനോട് ചേർന്ന് കിടക്കുന്ന പ്രദേശമായ തിനാൽ താറാവ്, കായൽ മൽസ്യങ്ങൾ എന്നിവ ഉപയോഗിച്ചുള്ള നിരവധി ഡിഷുകളും റോയൽ പ്രിൻസ് ഒരുക്കുന്നു.

- 

പാലായിലെ കിടങ്ങൂരാണ് സ്ഥലം. പാലാക്കാരൻ അച്ചായനും സർവ്വോപരി റോയൽ പ്രിൻസ് കാറ്ററിങ് കമ്പനിയുടെ ഉടമയുമായ ജോണിക്കുട്ടിയെ കാണാനുള്ള യാത്രയിലായിരുന്നു ഞങ്ങൾ. അയച്ചുതന്ന ലൊക്കേഷനിലേക്ക് ഞങ്ങളെത്തുമ്പോൾ ഏകദേശം പതിനൊന്നര. കിച്ചണിൽ വിവിധതരം വിഭവങ്ങൾ തയ്യാറാവുകയാണ്. പുറത്തുകണ്ട ഒരു പയ്യനോട് ഞങ്ങളുടെ ആഗമനോദ്ദേശ്യം പറഞ്ഞു. ജോണിച്ചേട്ടനെ കാണണം. ഇന്റർവ്യൂവും ഫോട്ടോയും എടുക്കണം. ഇപ്പൊ വിളിക്കാം എന്നും പറഞ്ഞ് അകത്തേക്ക് പോയ പയ്യനൊപ്പം ഖദറും സ്റ്റാർച്ച് മുക്കി വടിവൊത്ത വെള്ളമുണ്ടും ധരിച്ചെത്തുന്ന അച്ചായനെ പ്രതീക്ഷിച്ച് നിന്ന ഞങ്ങളുടെ മുന്നിലേക്ക് ഹെയർ ക്യാപ്പും സാധാരണ വേഷവും ധരിച്ച് വിയർത്തുകുളിച്ച, ചുവന്നുതുടുത്ത മുഖവുമായി ഒരാൾ കടന്നുവന്നു. ഇത്രയും വലിയ കിച്ചൺ ആയതിനാൽ മേൽ നോട്ടത്തിനുള്ള മാനേജർമാർ ആരെങ്കിലുമാകുമെന്ന് ചിന്തിച്ചുനിന്ന ഞങ്ങളെ വർത്തമാന കാലത്തിലേക്ക് കൊണ്ടുവരാനെന്നപോലെ അയാൾ സ്വയം പരിചയപ്പെടുത്തി. പേര് ജോണിക്കുട്ടി. റോയൽ പ്രിൻസ് കാറ്ററിങ് കമ്പനി യുടെ അമരക്കാരൻ. 25,000 പേർക്കുള്ള ഭക്ഷണം ഒരേസമയം തയ്യാറാക്കാൻ സാധിക്കുന്ന കിച്ചണു മുന്നിൽ നിന്ന് ജോണിക്കുട്ടി പറഞ്ഞു, തന്റെ ദിനചര്യ ഇങ്ങനെയാണ്. എല്ലാം തന്റെ മേൽനോട്ടത്തിലാണ്.

പരിചയപ്പെടലിന്റെ ഹാങ്ങോവറിൽ നിന്ന ഞങ്ങളെ ജോണിച്ചായൻ വീട്ടിലേക്ക് ക്ഷണിച്ചു. സ്നേഹനിധിയായ ഭാര്യ സൗമ്യയും മക്കളായ ഏഞ്ചൽ മരിയയും അന്ന മരിയയും ഞങ്ങൾക്ക് ആതിഥ്യമരുളി. തിരക്കുള്ള ദിവസം ഏതാനും മണിക്കൂറുകൾ അപഹരിക്കാനെത്തിയതിന്റെ യാതൊരു നീരസവും കൂടാതെ ജോണിച്ചായൻ കഥപറഞ്ഞുതുടങ്ങി. കാൽനൂറ്റാണ്ട് മുൻപ് ഇടു ക്കി ജില്ലയിലെ കട്ടപ്പനയിൽ ഏഴു സഹോദര ന്മാർ ചേർന്ന് ആരംഭിച്ച പ്രിൻസ് കാറ്ററിങ്ങിന്റെ കഥ.