ഒന്നൊന്നര മുതൽ

ഹാരിയർ ഇവിയുടെ ഓഫ്റോഡ് ഓൺറോഡ് പെർഫോമൻസും സുരക്ഷാഫീച്ചറുകളും അനുഭവിച്ചറിഞ്ഞ ക്വാഡ് ഡേ വിശേഷങ്ങളിലൂടെ...

- നോബിൾ

മഹീന്ദ്ര ബിഇന്റെയും എക്സ് ഇവി 9 ഇയുടെയും പെർഫോമൻസ് കണ്ടപ്പോൾ തോന്നിയത് ടാറ്റ ഇനി ഹാരിയറുമായി വന്നിട്ട് ഒരു കാര്യവുമില്ലെന്നായിരുന്നു. മാത്രമല്ല “ഇപ്പൊ പൊട്ടിക്കും' എന്നു പറയാൻ തുടങ്ങിയിട്ടും കാലം കുറെയായിരുന്നു. അതുകൊണ്ട് വലിയ പ്രതീക്ഷയൊ ന്നുമില്ലാതിരിക്കുമ്പോഴാണ് വാഗമണ്ണിലെ ഹാരിയറിന്റെ ലോഞ്ചിനു മുന്നോടിയായി ആനപ്പാറയിൽ ഹാരിയർ ഇവി കയറുന്ന വിഡിയോ ടാറ്റ ഇറക്കിയത്. വാഹനപ്രേമികളെ ഞെട്ടിച്ച ആ വിഡിയോ വൈകാതെ തന്നെ സോഷ്യൽ മീഡിയയിൽ ട്രെൻഡാകുകയും ചെയ്തു. സത്യത്തിൽ ഹാരിയർ ഇവിക്ക് ഓഫ് റോഡ് ശേഷിയുണ്ടോ എന്നു സംശയിച്ചവരാണ് എറെയും. എന്നാൽ നോയിഡയിലെ ബുദ്ധ് ഇന്റർനാഷനൽ സർക്യൂട്ടിൽ ഒരുക്കിയ ക്വാഡ് ഡേയിലൂടെ ടാറ്റ ഒരു കാര്യം വ്യക്തമാക്കിത്തന്നു. ഹാരിയർ ഇവി എന്താണെന്ന്... റേസ് ട്രാക്കിലെയും ഓഫ്റോഡ് പിറ്റി ലെയും പെർഫോമൻസിനെക്കുറിച്ച് കണ്ടും അനുഭവിച്ചുമറിഞ്ഞ കാര്യങ്ങളിലേക്ക്...

ട്രാക്കിലെന്ത് എസ് യു വി

എസ് യു വി ക്ക് ട്രാക്കിലെന്തു കാര്യം എന്ന ചോദ്യത്തിനു പ്രസക്തിയില്ല എന്നറിയിച്ചത് ഹോട്ട് ലാപ്പാണ്. 0-100 വേഗത്തിലെ ത്താൻ ഹാരിയർ ഇവിക്കു വേണ്ടത് 6.3 സെക്കൻഡ് മാത്രം മതി. ബൂസ്റ്റ് മോഡ് എന്നൊരൈറ്റം ഉണ്ടിതിൽ. ആക്സിലറേറ്ററിൽ കാലമർത്തിയാൽ ഈ പാറ്റൺ ടാങ്ക് റോക്കറ്റുപോലെ പായും. ബാരിയർ ഇവിയുടെ രണ്ട് ആക്സിലുകളിലും മോട്ട റുകളുണ്ട്. പിന്നിലെ പെർമനന്റ് മാഗ്നെറ്റ്സി ങ്കോണസ് മോട്ടറിന്റെ കരുത്ത് 238 ബിഎച്ച്പിയാണ്. മുന്നിലെ ഇൻഡക്ഷൻ മോട്ടറിന് 158 ബിഎച്ച്പിയും. രണ്ടും കൂടി 313 ബിഎച്ച്പി കരുത്താണ് ഹാരിയറിന്റെ വീലുകളിലേക്കെത്തുന്നത്. കൂടിയ ടോർക്ക് 540 എൻ എമ്മും. പോരേ പൂരം! സർക്യൂ ട്ടിലെ സ്ട്രെയ്റ്റ് ടച്ചിൽ സ്പീഡോ മീറ്റർ സൂചി 170 കിമി വേഗത്തിലേക്കു കയറിയത് ഞൊടിയിടയിലാണ്.