വരയിട്ടാൽ വരിയാകില്ല...

'Lane traffic needs more than just a line.''Lane traffic needs more than just a line.'

- 

പച്ച ട്രാഫിക് ലൈറ്റ് കണ്ട് പാഞ്ഞുവരുമ്പോൾ അതു കെട്ട് ചുവന്ന ലൈറ്റ് തെളിയുമ്പോൾ നിരാശയുടെ പടുകുഴിയിൽ പതിച്ച മുഖഭാവമാണ് നമ്മളിൽ പലർക്കും. സ്റ്റിയറിങ് വീലിൽനിന്ന് ഒന്ന് കയ്യെടുത്ത് കണ്ണുകളടച്ച് ആശ്വാസത്തോടെ രണ്ടുമി നിറ്റ് സീറ്റിൽ ചാരിയിരുന്ന് അവിചാരിതമായി കിട്ടിയ വിശ്രമ നിമിഷങ്ങൾ ആസ്വദിക്കാൻ കഴിയുന്ന എത്രപേരുണ്ട്. ആസ്വദിക്കാൻ സമയം കണ്ടെത്താൻ കഴിയാത്ത നിരന്തരമായ ഓട്ടമാണ് പലർക്കും യാത്രകൾ. ട്രാഫിക് ബ്ലോക്കിൽ കിടക്കുന്നതിനെക്കാളും അസ്വസ്ഥത വരിതെറ്റിച്ച് കയറിപ്പോകുന്നവരെ കാണുമ്പോഴാണ്. നിങ്ങൾ ട്രാഫിക് ബ്ലോക്കിൽ പെട്ടിരിക്കുകയല്ല, നിങ്ങൾ തന്നെയാണ് ട്രാഫിക് ബ്ലോക്ക് എന്ന ഒരു വാക്യമുണ്ട്.