ത്രില്ലിങ് പെർഫോമർ

585 കിലോമീറ്റർ റേഞ്ചുമായി ടാറ്റയുടെ പ്രീമിയം എസ്യുവി കൂപ്പെ കർവ്

- നോബിൾ എം. മാത്യു

മോഡൽ വൈവിധ്യംകൊണ്ട് വിപണിയിൽ വേറിട്ടു നിൽക്കുന്ന ഇന്ത്യൻ ബ്രാൻഡാണ് ടാറ്റ, ചെറിയ ഹാച്ച്ബാക്ക് മുതൽ സെവൻ സീറ്റർ എസ്യുവി വരെ നീളുന്നു ആ വൈവിധ്യം. പെട്രോൾ ഡീസൽ സിഎൻജി ഇന്ധന മോഡലുകൾ ക്കൊപ്പം ഇലക്ട്രിക് നിരയും അവതരിപ്പിച്ച തോടെ വിപണിയിൽ ടാറ്റ നേടിയ വിജയം അമ്പരപ്പിക്കുന്നതാണ്. അതിനു ആക്കം കൂട്ടാൻ എക്സ്പോയിൽ അവതരിപ്പിച്ച കോൺസെപ്റ്റ് മോഡലിനെ അതേ സൗന്ദര്യമികവോടെ ടാറ്റ യാഥാർഥ്യമാ ക്കിയിരിക്കുകയാണ്. കർവിന്റെ പെട്രോൾ ഡീസൽ ഇവി വേരിയന്റുകളിൽ ആദ്യമെത്തിയത് ഇവിയാണ്. ഈ മാസം തന്നെ പെട്രോൾ ഡീസൽ മോഡലുകളും അര ങ്ങുവാഴാൻ എത്തും. ടാറ്റയുടെ ഇലക്ട്രിക് നിരയിലെ ഏറ്റവും പ്രീമിയം മോഡലായ കർവിനെ അടുത്തൊന്നു കാണാം.

രണ്ടു വേരിയന്റുകൾ

45, 55 എന്നിങ്ങനെ രണ്ട് ബാറ്ററി കപ്പാസി റ്റിയാലാണ് കർവ് വരുന്നത്. 45 കിലോ വാട്ട്അവർ ബാറ്ററിയുള്ള മോഡലിനു 502 കിലോമീറ്ററാണ് റേഞ്ച്. 150 പിഎസ് കരുത്തും 215 എൻഎം ടോർക്കുമുള്ള പെർ മനന്റ് മാഗ്നെറ്റ് സിങ്കോണസ് ബാറ്ററിയാണ് ഇതിലുള്ളത്.

585 കിലോമീറ്ററാണ് 55 കിലോവാ ട്ട് അവർ ബാറ്ററി പായ്ക്കുള്ള മോഡലിന്റെ കൂടിയ റേഞ്ച്. ടോർക്ക് സമമെങ്കിലും 167 പിഎസ് കരുത്തുണ്ട് ഇതിലെ മോട്ടറിന്. ടോപ് സ്പീഡ് 160 കിലോമീറ്റർ. 8.6 സെ ക്കന്റ് സമയം കൊണ്ട് 55 വേരിയന്റ് 0-100 വേഗം കൈവരിക്കും. 45 വേരിയന്റിന്റെ കൂടിയ വേഗം 150 കിലോമീറ്ററാണ്. 0-100 കിലോമീറ്റർ വേഗം കൈവരിക്കാൻ 9.0 സെക്കൻഡ് സമയം വേണം.

ചാർജിങ്

പഞ്ചിലേതുപോല മുന്നിലെ ലോഗോയ്ക്കടിയിലാണ് ചാർജിങ് പോർട്ട്. ഫിജിറ്റൽ പാനൽ വഴി ഇത് ഇലക്ട്രിക്കലി തുറക്കാം. ചാർജ് ചെയ്ത് കഴിഞ്ഞ് അടയ്ക്കാൻ മറന്നു പോയാലും കുഴപ്പമില്ല. വാഹനം സ്റ്റാർട്ട് ചെയ്താൽ ഇത് ഓട്ടമാറ്റിക്കായി അടയും.

ഡിസി ഫാസ്റ്റ് ചാർജിങ്ങും ഹോം ചാർജിങ്ങുമുണ്ട്. 70 കിലോ വാട്ട് ഡിസി ഫാസ്റ്റ് ചാർജ് വഴി 40 മിനിറ്റുകൊണ്ട് 10-80 ശതമാനം ചാർജാകും 55 വേരിയന്റ്. 7.2 കിലോ വാട്ട് എസി ചാർജറാണെങ്കിൽ 10100 ശതമാനമാകാൻ 7.9 മണിക്കൂർ വേണം. 15 ആംപിയർ സോക്കറ്റ് വഴിയും ചാർജ് ചെയ്യാം. 10-100 ശതമാനമാകാൻ 21.0 മണിക്കൂർ വേണം.

60 കിലോവാട്ട് ചാർജർ വഴി 40 മിനിറ്റ് കൊണ്ട് കർവിന്റെ 45 വേരിയ ന് 10-80 ശതമാനം ചാർജാകും. 7.2 കിലോവാട്ട് എസി ഫാസ്റ്റ് ചാർജ റാണെങ്കിൽ 6.5 മണിക്കൂർ വേണം. 15 ആംപിയർ സോക്കറ്റ് വഴിയാണ ങ്കിൽ 17. 5 മണിക്കൂറും.