നൂറിന്റെ തിളക്കം

ഹോണ്ട ബാഡ്ജുള്ള 100 സിസി ബൈക്ക്

- പ്രവീൺ

ഇന്ത്യൻ വിപണിയിൽ 2022 ൽ ഏകദേശം 2.15 കോടി പുതിയ വാഹനങ്ങൾ ഇറങ്ങി. അതിൽ ഒന്നര കോടിയും ഇരുചക്ര വാഹനങ്ങളാണ്. 100 സിസി വിഭാഗം 33 % വരും. എന്തിനാണ് ഇനിയുമൊരു നൂറ് സിസി ബൈക്ക് ഇറക്കുന്നത് എന്ന ചോദ്യത്തിന് ഉത്തരം ഈ കണക്കുകളാണ്. ലോകത്തിലെ ഏറ്റവും വലിയ ഇരുചക്ര വാഹന കമ്പനിയായ ഹോണ്ടയ്ക്ക് ഈ സാധ്യത അറിയാം. അതുകൊണ്ടാണ് എന്ന വിശ്വസ്ത നാമത്തിൽ, ഷൈൻ ഹോണ്ട ബാഡ്ജുള്ള ഏറ്റവും വിലക്കുറവുള്ള മോഡൽ ഇറക്കുന്നത്.

100 സിസി ബൈക്കും അതിലൊരു പൂജാബട്ടും വേണം എന്നൊക്കെ പാട്ടുപാടി നടക്കുന്ന യുവതയ്ക്കുള്ളതായിരുന്നു ചെറിയ ബൈക്കുകൾ. എന്നാലിന്ന് സാധാരണ ഇന്ത്യക്കാരന്റേതാണ് ഈ സെഗ്മെന്റ്. ഹീറോ മോട്ടോകോർപ് നാലു 100 സിസി ബൈക്കുകളുമായി മുന്നിലുണ്ട്. ആ വലിയ വിപണിയിലൊരു വിഹിതം നേടാനിറങ്ങുന്ന ഹോണ്ട ഷൈൻ 100 സിസി ബൈക്കിന്റെ പുണെയിലെ ആംബിവാലിയിൽ വച്ചു നടന്ന ടെസ്റ്റ്റൈഡ് വിശേഷങ്ങളിലേക്ക്...

 രൂപകൽപന