തലോടലിന്റെ ഊർജം

തല്ല് പ്രതീക്ഷിക്കുന്ന സമയത്തു നല്ല വാക്കുകൾ കേൾക്കുന്നതു കുട്ടികളിൽ നിറയ്ക്കുന്ന സന്തോഷവും ഊർജവും ഗോപിനാഥ് മുതുകാട് പറയുന്നു.

- 

ഞാൻ കരുളായി ഹൈസ്കൂളിൽ എ ട്ടാം ക്ലാസിൽ പഠിക്കുന്ന കാലം. ക്ലാസിൽ ശ്രദ്ധിക്കാതെ ചീട്ടുകളെ നിറം മാറ്റുന്ന ജാലവിദ്യയുടെ ചിന്തയിൽ മുഴുകിയിരുന്ന എന്നെ ശാന്ത ടീച്ചർ പിടികൂടി. "ഗോപീ.. ന്താ അവിടെ.' ഞാൻ ഞെട്ടി ഉണർന്നു. ഒന്നു പേടിച്ചു. തല്ല് ഉറപ്പായിരുന്നു. എങ്കിലും എണീറ്റു നിന്നു പറഞ്ഞു. "ടീച്ചർ, ഞാൻ മാജിക് പരിശീലിക്കുകയായിരുന്നു.'