தகுதியா தந்திரமா?

பல்கலைக்கழகங்கள் முரண்விவாதங்களுக்குள்ளும் படக விவாதங்களுக் குள்ளும் ஆவதொன்றும் இந்தியாவில் புது நிகழ்வல்ல. தொழில்நுட்பப் பல்கலைக் கழகமான அண்ணா பல்கலைக்கழகமும் இதில் விதிவிலக்கல்ல. ஆனால் தற்போது ஊடகங்களில் தொடரும் அண்ணா பல்கலைக்கழகம் தொடர்பான விவாதங்கள் புதியன. பார்வைத்திறனற்றோர் யானை பார்த்து விளக்கம் சொன்ன கதையாக அவரவர் கோணங்களில் கருத்துகளை முன்வைக்கிறார்கள். அவ்விவகாரங்கள் தொடர்பான உண்மை சார்ந்த தேடல்கள் சில புதிர்களுக்குள்ளும், சில அதிர்ச்சிகளுக்குள்ளும் நம்மை அழைத்துச் செல்கின்றன.

- ஜே.ஆர்.வி. எட்வர்ட்

அண்ணா பல்கலைக்கழகம் தொடர்பான அண்மைக்கால ஊடக விவாதம் ஒன்று, பல்கலைக்கழகத்தை உன்னத நிறுவனங்களின் பட்டியலில் சேர்ப்பது தொடர்பானது. நாடு முழுவதிலுமிருந்து சிறந்த பத்து அரசு உயர்கல்வி நிறுவனங்களைத் தேர்ந்தெடுத்து அவற்றை உயரிய நிறுவனங்களில் அறிவித்து, ஒவ்வொரு நிறுவனத்துக்கும் ஐந்து ஆண்டுகளாக ஆயிரம் கோடி ரூபாய் நிதி வழங்க&