ഭൂലോക നളൻ

ബിബിസി മാസ്റ്റർ ഷെഫ് പരിപാടിയിൽ പങ്കെടുത്ത മലയാളിയാണു സുരേഷ് പിള്ള. ലോകത്തെ വിലപിടിച്ച പാചക വിദഗ്ധരിൽ ഒരാൾ. വിശ്വവിഖ്യാത ക്രിക്കറ്റ് താരം ക്രിസ് ഗെയിൽ, ഗോൾഫ് താരം ടൈഗർ വുഡ്സ്, ടെന്നിസ് താരം റോജർ ഫെഡറർ, ശ്രീലങ്കൻ ക്രിക്കറ്റ് താരം കുമാര സംഗക്കാര നമ്മുടെ വിരാട് കോലി ഇങ്ങനെ പോകുന്നു. സുരേഷ് പിള്ള വച്ചു വിളമ്പുന്നവരുടെ പട്ടികയിലെ പേരുകൾ. 17 വർഷമായി ലണ്ടനിൽ മുന്തിയ റസ്റ്ററന്റുകളിൽ ഹെഡ്ഷെഫ് ആയി പ്രവർത്തിക്കുകയും സ്വന്തമായി റസൂറന്റ്കളുള്ള സുരേഷ് പിള്ളയുടെ പാചകക്കുറിപ്പുകളാണു മലയാള മനോരമ ആഴ്ചപ്പതിപ്പിന്റെ പുതുവത്സര സമ്മാനങ്ങളിലൊന്ന്. ആദ്യമായാണു സുരേഷ് പിള്ള ഒരു പ്രസിദ്ധീകരണത്തിനുവേണ്ടി പാചകപംക്തി തയാറാക്കുന്നത്.

- എം.എസ്. ദിലീപ്

കൊല്ലം ജില്ലയിലെ ചവറയിൽ കൂലിപ്പണിക്കാരനായ അച്ഛന്റെയും കയർ തൊഴിലാളിയായ അമ്മയുടെയും മൂന്നു മക്കളിൽ ഇളയവനായി ജനിച്ച്, പത്താം ക്ലാസ് പാസ്സായ ശേഷം തുടർന്നു പഠിക്കാൻ പണമില്ലാതെ ഹോട്ടലിൽ ജോലിക്കു പോയ ചെറുപ്പക്കാരനാണ്. ലണ്ടനിലെ വിലപിടിച്ച ഹോപ്പേഴ്സ് ലണ്ടൻ റസ്റ്ററന്റിലെ മാസ്റ്റർ ഷെഫ് ആയി, ലോകത്തെ പേരെടുത്ത 'നളൻ' ആയി മാറിയ സുരേ&#