നിറങ്ങൾ നിറയും മുറികൾ

ഇന്റീരിയറിലെ ട്രെൻഡി നിറങ്ങൾ ഏതെല്ലാമാണെന്ന് അറിയാമോ?

- ഡെൽന സത്യരത്ന

സമാധാനത്തിന്റെ വെളുപ്പും ഉത്സാഹം കൊണ്ടു രാത്രിയിൽപ്പോലും വിശ്രമമില്ലാത്ത നിയോൺ നിറങ്ങളും ഇന്റീരിയറിൽ പഴങ്കഥയാകുകയാണ്. പ്രകൃതിയോടിണങ്ങുന്ന വാം, എർത്തി നിറങ്ങളാണ് ഇപ്പോൾ ട്രൻഡ് ചാർട്ടിൽ മുൻനിരയിൽ.

മോക്ക മൂസ്, ടെറാക്കോട്ട, ടോഫീ, ക്ലേ, കാരമൽ തുടങ്ങിയ ബ്രൗൺ ഷേഡുകൾ മുൻപത്തേതു പോലെ ബാക്ഗ്രൗണ്ടിൽ അൽപമൊരിടത്ത് ഒതുങ്ങിക്കൂടുന്നില്ല. ഈ വർഷത്തെ പാന്റോൺ നിറം മോക്ക് മൂസ് ആണ്. നിറങ്ങളുടെ പന്തിയിൽ മുൻനിര തന്നെ ബ്രൗണുകൾ സ്വന്തമാക്കിയിട്ടുണ്ട്. കസേര വലിച്ചിട്ടും കട്ടിലിൽ നീണ്ടു നിവർന്നും വാതിൽപ്പടിയിൽ കാത്തു നിന്നും ഫർണിച്ചറുകളിലും വാം, എർത്തി നിറങ്ങൾ സാന്നിധ്യം ഉറപ്പാക്കുന്നു.

ആഭരണം പോലെ ആക്സന്റ് നിറം