സഞ്ചരിച്ചോളൂ.ആരോഗ്യം മറക്കരുത്

കാഴ്ചകൾ തേടി ഇറങ്ങുന്നതിനു മുൻപ് അവശ്യമായ ആരോഗ്യ മുൻകരുതലുകൾ എടുക്കാൻ മറക്കരുത്

- 

സഞ്ചാരം ലോകത്തിന്റെ ഏതു കോണിലേക്കാണെങ്കിലും സഞ്ചാരിയുടെ ആരോഗ്യത്തിനാവണം ആദ്യപരിഗണന.. നിസ്സാരമെന്നു കരുതപ്പെടുന്ന തുമ്മലും ജലദോഷവും പോലും സ്വപ്നയാത്രയുടെ സന്തോഷം ഇല്ലാതാക്കും. ആരോഗ്യകരമായ സഞ്ചാരത്തിന് സഞ്ചാരികൾ ഈ കാര്യങ്ങൾ ശ്രദ്ധിക്കുക.

മോഷൻ സിക്നെസ്സ് മുതൽ

കാർ, വിമാനം, കപ്പൽ എന്നിങ്ങനെ യാത്ര ഏതു മാർഗത്തിലായാലും മോഷൻ സിക്നെസ്സ് യാത്ര കൊണ്ട് ഛർദി ഉണ്ടാകാൻ സാധ്യതയുണ്ട്.

മസ്തിഷ്കത്തിന്റെ ബാലൻസിങ്, കാഴ്ചയെ നിയന്ത്രിക്കുന്ന കേന്ദ്രം എന്നിവയിലുണ്ടാകുന്ന വ്യതിയാനമാണ് തലചുറ്റൽ, മനംപിരട്ടൽ, ഛർദി എന്നിവയ്ക്കു കാരണം.