ഓണം മൂഡ് സാമ്പാർ വൈബ്...

ദേ നിന്റെ മുന്നിൽ സാമ്പാർ സാറിങ്ങനെ നിൽക്കുന്നുണ്ടേലേ - നീ ഇനീം കൊറേ അറിയാനുണ്ട് അനിയാ

-  വിജീഷ് ഗോപിനാഥ്

സദ്യയിലെ ജോർജ് സാറാണു സാമ്പാർ. തുശനിലയിൽ പ്രധാനപ്പെട്ട എല്ലാ കഥാപാത്രങ്ങളും വന്നു കഴിഞ്ഞു സാമ്പാറിന്റെ ഒരു കിടിലൻ എൻട്രിയുണ്ട്. ആവിപറക്കുന്ന കുത്തരിച്ചോറിലേക്ക് തൂവിയ പരിപ്പും നെയ്യും പപ്പടവും കൂട്ടിയൊരു പിടിപിടിച്ചങ്ങനെ തുടങ്ങുകയാവും നമ്മൾ. നാവിൽ സ്വാദിന്റെ "മെലഡിഗാനം' ഉണർന്നിട്ടേ ഉണ്ടാവൂ.

അപ്പോഴാണ് എരിവിന്റെയും പുളിയുടെയും ഘനഗംഭീര രുചിപ്പെരുക്കവുമായി സാമ്പാറങ്ങോട്ടു കയറിവരുന്നത്. തുടരും സിനിമയിൽ അതുവരെയുള്ള പതിഞ്ഞ താളം തെറ്റിച്ചു കളഞ്ഞ ജോർജ് സാറിന്റെ 'ഹലോ' പറച്ചിൽ പോലെയല്ലേ അത്. പിന്നെയങ്ങോട്ടു നാവുണരും. എന്തൊക്കെ തരം രുചികളാണു വന്നും പോയും ഇരിക്കുക.

സത്യത്തിൽ ഇലയിലെ കിടിലം നടനാണു സാമ്പാർ. ഓലനും കിച്ചടിക്കും പച്ചടിക്കുമൊക്കെ സ്വഭാവത്തിൽ വലിയ മാറ്റമൊന്നുമില്ല. പക്ഷേ, സാമ്പാർ അങ്ങനെയല്ല. അതിൽ “വെറൈറ്റിയുടെ കടുകുവിലുണ്ട്. കഥാപാ തത്തിന് അനുസരിച്ചു നടൻമാരും പോലെ നാടുമാറും തോറും സാമ്പാറും മാറും. ഒഴുകിയും കുറുകിയും പരക്കും. തേങ്ങ വറുത്തരച്ചും തേങ്ങയേ ഇല്ലാതെയും വരും. ചേർക്കുന്ന കഷണങ്ങളിൽ മാറ്റം.

അതും പോട്ടെ. ഊണിനൊപ്പവും ഇഡ്ഡലിക്കൊപ്പവും ദോശയ്ക്കൊപ്പവും ഉഴുന്നുവടയ്ക്കൊപ്പവും കപ്പയ്ക്കൊപ്പവും എന്തിനേറെപ്പറയുന്നു ഇന്നലെ വന്നു താരമായി മാറിയ ആ പൊറോട്ടയ്ക്കൊപ്പം വരെ ഇഴുകിച്ചേർന്നു. പരന്നൊഴുകുകയല്ലേ.. ഇത്ര പേർക്കൊപ്പം കൈപിടിച്ചു നിൽക്കുന്ന മറ്റേതു വിഭവമുണ്ട് ഈ തൂശനിലയിൽ. സാമ്പാറിന്റെ കൂട്ടു തേടി കാസർകോടു മുതൽ തിരുവനന്തപുരം വരെ ഒന്നു പോയി നോക്കിയാലോ?

തേങ്ങയരച്ച സാമ്പാർ മണങ്ങൾ

ഉഡുപ്പിയിൽ നിന്നു മംഗലാപുരം വഴി കാസർകോട്ടേക്ക് കടക്കുമ്പോൾ സാമ്പാറിനു ചെറുമധുരമാണ്. അത് ഉഡുപ്പി ബ്രാഹ്മണരുചി' ഒരിത്തിരി ബാക്കി കിടക്കുന്നതു കൊണ്ടാണ്. നെതിനോടും മധുരത്തോടും പ്രണയക്കൂടുതലുള്ള ഈ 'ഉഡുപ്പിക്കാർ' സാമ്പാറിലും അൽപം ശർക്കരയിടും. ചിലർ നെയ്യൊഴിക്കും.