തട്ടിപ്പു തടയാൻ സർക്കാർ ആപ്

സ്മാർട് ഫോണിലെ കൂടുതൽ ടെക്നിക്കുകൾ അറിയാനും വിവിധ ആവശ്യങ്ങൾ സ്മാർട്ടായി നിറവേറ്റാനും പഠിക്കാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

പണത്തട്ടിപ്പു വാർത്തകൾ കേട്ടുകേട്ട് ഇപ്പോൾ അറിയാത്ത നമ്പരിൽ നിന്നു ഫോൺ വന്നാൽ മിക്കവരും എടുക്കാറില്ല. സ്പാം കോളുകളെ ബുദ്ധിപൂർവം ഒഴിവാക്കാനുള്ള വഴിയാണ് ഇത്തവണ. ഒപ്പം വാട്സാപ്പിലെ പുത്തനൊരു അപ്ഡേറ്റും.

സ്പാം ബ്ലോക് ചെയ്യാം

ഫോണിൽ നിരന്തരം സ്പാം കോളുകളും എസ്എംഎസുകളും വരാത്തവർ ആരുമുണ്ടാവില്ല. ഇത്തരം കോളുകളും സ്പാം മെസേജുകളും പൂർണമായി ബ്ലോക്ക് ചെയ്യാൻ ശ്രമിച്ചിട്ട് നടന്നിട്ടില്ല എന്നാണോ പരാതി. സർക്കാരിന്റെ തന്നെ ആപ്ലിക്കേഷനിലൂടെ ഇതിപ്പോൾ സിംപിളായി ചെയ്യാം. അതിനുള്ള വഴികൾ കേട്ടോളൂ.

TRAI DND 3.0 എന്ന ആപ്ലിക്കേഷനാണ് ഇതിനായി പ്ലേ സ്റ്റോറിൽ നിന്നു ഡൗൺലോഡ് ചെയ്യേണ്ടത്. ആപ്ലിക്കേഷൻ ഫോണിൽ ഇൻസ്റ്റാൾ ചെയ്ത് എല്ലാ പെർമിഷനുകളും അലൗ ചെയ്യണം.