വ്യായാമം എപ്പോൾ തുടങ്ങണം?

സോഷ്യൽമീഡിയ വഴി പ്രചരിക്കുന്ന ആരോഗ്യ സംബന്ധമായ തെറ്റിധാരണകൾ അകറ്റാം. കൃത്യമായ വിശദീകരണങ്ങളുമായി ഡോ.ബി.പത്മകുമാർ പ്രിൻസിപ്പൽ, ഗവ. മെഡിക്കൽ കോളജ്, കൊല്ലം

- ഡോ.ബി.പത്മകുമാർ പ്രിൻസിപ്പൽ, ഗവ. മെഡിക്കൽ കോളജ്, കൊല്ലം

അതിരാവിലെ ഭർത്താവിനെ എഴുന്നേൽപ്പിച്ചു നടക്കാൻ വിട്ടിട്ടു മൂടിപ്പുതച്ചുറങ്ങുന്ന സ്ത്രീകളുടെ കാലം കഴിഞ്ഞു. ഇപ്പോൾ സ്ത്രീകളും പുരുഷന്മാരോടൊപ്പം നടക്കാനും ജോഗിങ്ങിനുമൊക്കെ പോകുന്നുണ്ട്.

പുരുഷന്മാർക്കു മസിലുകൾ പെരുപ്പിച്ച് നടക്കാനുള്ള ജിംനേഷ്യങ്ങളിൽ നിന്നു പ്രായഭേദമെന്യേ സ്ത്രീകൾക്കും പുരുഷന്മാർക്കും ഒരുപോലെ ഫിറ്റ്നസ് ഉറപ്പാക്കാൻ പറ്റുന്ന ഫിറ്റ്നസ് സെന്ററുകളാണ് ഇപ്പോഴത്തെ ട്രെൻഡ്. എല്ലാവർക്കും ഒരേ തരത്തിലുള്ള വ്യായാമം ചെയ്യാനാവുകയില്ല. ഓരോരുത്തരുടെയും ശാരീരികസ്ഥിതിയും പ്രായവും ആരോഗ്യപ്രശ്നങ്ങളും കണക്കിലെടുത്തു വേണം വർക്ക്ഔട്ട് പ്ലാൻ ചെയ്യാൻ. ഇതിനായി പരിചയസമ്പന്നനായ ഫിറ്റ്നസ് ട്രെയിനറുടെ നിർദേശം തേടണം.

ആവശ്യകത കൂടുതൽ സ്ത്രീകൾക്ക്