സജിതയ്ക്കു കിട്ടിയ ഉർവശി അവാർഡ്

മാർക്കോയിലെ ആൻസിയായി തിളങ്ങിയ സജിത ശ്രീജിത്ത് സിനിമയിൽ സജീവമാകുന്നു

- അഞ്ജലി അനിൽകുമാർ

ഞാൻ ആൻസി

മാർക്കോയിലെ ആൻസിയായി എന്നെ പ്രേക്ഷകർ തിരിച്ചറിയുന്നതിന്റെ സന്തോഷമുണ്ട്. ഉണ്ണി മുകുന്ദനുമായി നീണ്ട നാളത്തെ സൗഹൃദമാണുള്ളത്. സിനിമയിൽ തമ്മിൽ വലിയ അടുപ്പമില്ലാത്ത ചേച്ചിയും അനിയനുമാണെങ്കിലും നേരിൽ ഞങ്ങൾ അങ്ങനെയല്ല. ശരിക്കും സ്വന്തം അനിയനെപ്പോലെയാണ് ഉണ്ണി എനിക്ക്. കൂടാതെ ഞാനും ഭർത്താവ് ശ്രീജിത്ത് രവിയുമാണ് മാർക്കോയിൽ ജോഡിയായി അഭിനയിച്ചത്. അടുപ്പമുള്ളവർക്കൊപ്പം നിന്നതു കൊണ്ടാകാം, കഥാപാത്രത്തെ കൂടുതൽ നന്നായി അവതരിപ്പിക്കാൻ സാധിച്ചത്. ആക്ഷൻ രംഗങ്ങളെക്കുറിച്ചോർത്തു കുറച്ചൊന്നു ടെൻഷനടിച്ചെങ്കിലും എല്ലാവരുടെയും പിന്തുണയുടെ ബലത്തിൽ അതും ചെയ്തു.

സത്യൻ സാറിന്റെ വാക്കുകൾ