സ്നേഹം കൈചേർക്കുന്ന ഭാഷ

ആംഗ്യഭാഷയിൽ കുർബാന അർപ്പിക്കുന്ന ജോർജ് കളരിമുറിയിൽ, ബിജു ലോറൻസ് മൂലക്കര എന്നീ വൈദികരുടെ അനുഭവങ്ങളിലൂടെ..

- ചൈത്രാലക്ഷ്മി

എന്റെ ഏറ്റവും എളിയ ഈ സഹോദരന്മാരിൽ ഒരുവനു നിങ്ങൾ ചെയ്തു കൊടുത്തപ്പോൾ എനിക്കു തന്നെയാണു ചെയ്തത് (മത്തായി 25: 40) സം ഗീതത്തിനും പ്രാർഥനകൾക്കും പകരം മൗനം ഈണമാക്കിയ അൾത്താര. കുർ ബാന അർപ്പിക്കുന്ന വൈദികന്റെ ചുണ്ടു കളല്ല ചലിക്കുന്നത്, കൈകളാണ്. ആംഗ്യഭാഷ കൊണ്ട്

ഈ വൈദികർ ചേർത്തുപിടിക്കുന്നതു ശബ്ദമില്ലാത്തവരുടെ ഹൃദയങ്ങളെയാണ്.ആംഗ്യഭാഷയിൽ കുർബാന അർപ്പിക്കുകയും കേൾ വി പരിമിതിയുള്ളവരുടെ ആത്മീയവും സാമൂഹികവുമായ ഉന്നമനത്തിനു വേണ്ടി പ്രവർത്തിക്കുകയും ചെയ്യുന്ന ഫാ. ജോർജ് (പ്രിയേഷ്) കളരിമുറിയിൽ, ഫാ. ബിജു ലോ റൻസ് മൂലക്കര ഇവരുടെ ജീവിതം.

“എഫാത്ത' - തുറക്കപ്പെടട്ടെ പുതുലോകം

അവർക്കിതു വെറും ആംഗ്യങ്ങളല്ല. നമുക്ക് മാതൃ ഭാഷയെന്ന പോലെയാണു കേൾവിപരിമിതിയുള്ളവർക്ക് ആംഗ്യഭാഷ. തലശ്ശേരി അതിരൂപതയുടെആദം മിനിസ്ട്രി (അക്കംപനിയിങ് ഡിഫറന്റ്ലി ഏബിൾഡ് ആൻഡ് അവേക്കനിങ് മിഷൻ ഡയറക്ടർ ഫാ. ജോർജ് കളരിമുറിയിൽ പറയുന്നു.

“കാസർകോട് ജില്ലയിലെ കണ്ണിവയൽ കളരിമുറിയിൽ സേവ്യർ, മേരിക്കുട്ടി ദമ്പതികളുടെ നാലു മക്കളിൽ മൂത്ത ആളാണു ഞാൻ. അമ്മച്ചിയുടെ സഹോദരനായ കുട്ടിച്ചൻ അങ്കിളിനു (ജോസഫ് തയ്യിൽ) കേൾവിപരിമിതിയുണ്ട്.

അങ്കിളും കേൾവിപരിമിതിയുള്ള ചങ്ങാതിമാരും ആംഗ്യഭാഷയിലൂടെ ഹൃദയം പങ്കിടുന്നതു കൗതുകത്തോടെ നോക്കി നിന്നിട്ടുണ്ട്. മുതിർന്നപ്പോഴാണു ശബ്ദമില്ലാത്ത ലോകത്തു പല വാതിലുകളും അടഞ്ഞുകിടക്കുകയാണെന്നു തിരിച്ചറിഞ്ഞത്. അങ്കിൾ ജീവിതത്തിൽ നേരിട്ട് ബുദ്ധിമുട്ടുകൾ എന്നെ ആഴത്തിൽ ചിന്തിപ്പിച്ചു. സെമിനാരിയിൽ ചേർന്ന ശേഷം ദൈവശാസ്ത്ര പഠനകാലത്താണു ആ തീരുമാനമെടുത്തത്. ശബ്ദമില്ലാത്തവരുടെ ലോകത്തെ അറിയാൻ ആ ഭാഷ പഠിക്കണം. പുരോഹിതനാകുമ്പോൾ ആംഗ്യഭാഷയിൽ കുർബാന നടത്തണമെന്നും കുമ്പസാരിക്കാൻ അവസരമൊരുക്കണമെന്നും മനസ്സിലുറപ്പിച്ചു.

മനസ്സ് തൊട്ട സന്തോഷങ്ങൾ

2003ൽ പുരോഹിതനായ ശേഷം കർത്തവ്യങ്ങളിലും ആത്മീയതയിലും മുഴുകി. ഇതിനിടെ നടപ്പാകാതെ പോയ തീരുമാനം മനസ്സിനെ അലട്ടാൻ തുടങ്ങി. രൂപതയുടെ അന്നത്തെ ബിഷപ്പ് മാർ ജോർജ് വലിയമറ്റത്തിന്റെ പിന്തുണയേ ടെ 2014 ൽ മുംബൈയിലെ എവജെഎൻഐഎച്ച്എച്ച് ഇൻസ്റ്റിറ്റ്യൂട്ടിൽ ഇന്ത്യൻ സൈൻ ലാംഗ്വേജ് ഇന്റർപഷൻ ഡിപ്ലോമയ്ക്ക് ചേർന്നു.