വൈഫൈ പാസ്വേഡ് കണ്ടെത്താം

വൈഫൈ പാസ്വേഡ് മറന്നു പോയാൽ കണ്ടുപിടിക്കാനുള്ള വഴികൾ പഠിച്ചാലോ

-   രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

കംപ്യൂട്ടറിലോ മൊബൈൽ ഫോണിലോ കണക്റ്റ് ചെയ്ത് ഉപയോഗിച്ചു കൊണ്ടിരിക്കുന്ന വൈഫൈ നെറ്റ്വർക്കിന്റെ പാസ്സ്‌വേർഡ് പിന്നീടു നമുക്ക് മറ്റൊരു ഡിവൈസിലേക്ക് കണക്റ്റ് ചെയ്യേണ്ട ആവശ്യം വരുമ്പോൾ മിക്കവർക്കും പറ്റുന്ന ഒരു അബദ്ധമുണ്ട്. നേരത്തേ ടൈപ് ചെയ്തു കൊടുത്ത പാസ്സ്‌വേർഡ് ഓർമ ഉണ്ടാകില്ല. പാസ്സ്‌വേർഡ് Reset ചെയ്യുന്നതൊക്കെ വലിയ തലവേദനയുമാണ്. ഇങ്ങനെ മറന്നു പോകുന്നവർക്ക് പാസ്സ്‌വേർഡ് കണ്ടുപിടിക്കാൻ ഈ വഴികൾ പ്രയോജനപ്പെടും.

കംപ്യൂട്ടർ വഴി

Wi-Fi കംപ്യൂട്ടറിലോ ലാപ്ടോപ്പിലോ കണക്റ്റഡായ വൈഫൈ നെറ്റ് വർക്കിന്റെ പാസ്സ്‌വേർഡ് എങ്ങനെ കണ്ടെത്താമെന്ന് ആദ്യം നോക്കാം. കംപ്യൂട്ടറിലെ സ്റ്റാർട് മെനുവിൽ (start menu) നിന്നു സെറ്റിങ്സ് (Settings) അല്ലെങ്കിൽ കൺട്രോൾ പാനൽ (Control Panel) ഓപ്പണാക്കുക. അതിൽ നെറ്റ്വർക് ആൻഡ് ഇന്റർനെറ്റ് (Network and Internet) എന്നതു സെലക്റ്റ് ചെയ്യുക.