ഗമയോടെ ഒറ്റയ്ക്ക്

 മുറിക്കുള്ളിൽ ആരുടെയും ശ്രദ്ധ കവരുന്ന ആന്റ് ചെയർ തിരഞ്ഞെടുക്കുമ്പോൾ ഇക്കാര്യങ്ങൾ ഓർക്കാം

- 

മുറിയിലെ കൺകവരുന്ന ഭാഗത്ത് ഫോക്കൽ പോയിന്റായി ഇടുന്ന സിംഗിൾ സീറ്റ് കസേരയാണ് ആക്സന്റ് ചെയർ. ഗമയോടെ ഒറ്റയ്ക്ക് പ്രധാന സ്ഥാനത്ത് ഇടം പിടിക്കുന്ന ആ കസേര ഇന്റീരിയറിന് രാജകീയ സൗന്ദര്യം പകരും.

സംഗതി ഇരിപ്പിടമാണെങ്കിലും മുറിക്ക് അലങ്കാരം കൂടിയാണ് ആക്സന്റ് ചെയർ. മുറിയിലിലെ കൂട്ടത്തിൽ പെടാത്ത ആളായിരിക്കണം ആക്സന്റ് ചെയർ. ഉപയോഗിക്കുന്ന മെറ്റീരിയലിനും നിറങ്ങൾക്കും ഈ അലങ്കാര സ്വഭാവമായിരിക്കും.

രണ്ടു രീതിയിൽ ആക്സന്റ് ചെയറിന് വീട്ടിൽ സ്ഥാനം നൽകാം. അതിഥികൾ വരുമ്പോൾ മാത്രം ഉപയോഗിക്കുന്ന എക്സ്ട്രാ സീറ്റിങ് എന്ന നിലയിൽ. ഈ രീതിയിലാണെങ്കിൽ സോഫയ്ക്ക് അരികിൽ തന്നെ ആക്സന്റ് ചെയറിനു സ്ഥാനം നൽകാം.