വാട്സാപ് ഒന്നു ഫ്രഷ് ആയിട്ടുണ്ട്

വാട്സാപ്പിലെ ഏറ്റവും പുതിയ അപ്ഡേറ്റ്സ് അറിയാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

വാട്സാപ് ഉപയോഗിക്കാത്ത അധികം വായനക്കാർ വനിതയ്ക്കുണ്ട് എന്നു തോന്നുന്നില്ല. അതുകൊണ്ട് തന്നെ വാട്സാപ്പിൽ വരുന്ന ഏതൊരു മാറ്റവും അപ്പപ്പോൾ അറിഞ്ഞിരിക്കുന്നത് വളരെ നല്ലതാകുമല്ലോ. കൂട്ടുകാരുടെ ഇടയിൽ ഇത്തരം അപ്ഡേഷന്റെ കാര്യത്തിൽ പിറകിലായിപ്പോയി എന്ന തോന്നൽ വരാതിരിക്കാനും നമ്മുടെ സ്വകാര്യതയ്ക്കും ഇത്തരം അപ്ഡേറ്റുകൾ അറിഞ്ഞിരിക്കാം.

ഇമോജി സൂപ്പറല്ലേ

വാട്സാപ്പിൽ ഈയിടെ വന്ന പ്രധാന മാറ്റമാണ് "റിയാക്ഷൻസ്' എന്നത്. നമുക്ക് വരുന്ന വാട്സാപ് സന്ദേശങ്ങൾക്ക് മറുപടിയായി ഇമോജികൾ അയച്ച് നമ്മുടെ പ്രതികരണം അറിയിക്കുന്നത് മിക്കവരുടെയും പതിവാണല്ലോ. ചിരിക്കുന്നതും അദ്ഭുതപ്പെടുന്നതും ചിന്തിക്കുന്നതുമൊക്കെ ആയ ഇമോഷൻ ഐക്കണുകൾ (Emotion icons) നമ്മൾ ഇതിനായി ഉപയോഗിക്കാറുണ്ട്.