இந்தியாவின் தூய்மை கிராமத்தில் அரசியல்வாதிகளுக்கு தடை!

மகாராஷ்டிராவில் உள்ள சதாரா கிராமம், கிராமப்புற இந்தியா எவ்வாறு தன்னிறைவு பெற்றதாகவும் அழகாகவும் இருக்க முடியும் என்பதை முன்னுதாரணமாக காட்டுகிறது.

- எஸ்.ரவீந்திரன்

இந்த சிறிய கிராமம். நகர வாழ்க்கையின் இரைச்சல் மற்றும் அவசரத்திலிருந்து விலகி, மகாராஷ்டிராவில் உள்ள தடோபா அந்தாரி புலிகள் சரணாலயத்திற்கு அருகிலுள்ளது.

இந்த கிராமத்தின் மக்கள் அனைவரும் ஒவ்வொரு நாளும் முழு கிராமத்தையும் சுத்தம் செய்கிறார்கள். திறந்த வடிகால்கள் அல்லது குப்பை குவியல்கள் மருந்துக்குக் கூட பார்க்க முடியாது.

வீடு தோறும் சோலார் ஹீட்டர் மூலம் சூடான நீர் வழங்கப்படுகிறது. ஆர்.ஓ.சுத்திகரிப்பான் மூலமாக ஏ.டி.எம் வழியாக குடிநீர் வழங்கப்படுகிறது. தெருவிளக்குகள் சூரிய சக்தியில் இயங்குகிறது. மூத்த குடிமக்கள் ஓய்வெடுக்கவும், ஒன்றாக அமர்ந்து பேசி அரட்டை யடிக்க தனியாக ஒரு அரங்கம் கட்டப்பட்டுள்ளது.

மழைநீர் சேகரிப்பு, இயற்கை உரம் தயாரித்தல் என எங்கும் சுத்தம், சுகாதாரம்தான். ஒரு இடத்தில் கூட திறந்தவெளி கழிப்பறைகள் இல்லை. கால்நடை வளர்க்கும் கொட்டகைகள் கூட சுத்தமாகவும், துர்நாற்றம் இல்லாததாகவும் உள்ளன.