നാരായണജപവും പഞ്ചഹരി ദർശനവും

മലപ്പുറത്തിനും മഞ്ചേരിക്കും മദ്ധ്യത്തിലാണ് ഈ ക്ഷേത്രം നിലകൊള്ളുന്നത്

- തയ്യാറാക്കിയത് നാരായണൻ പോറ്റി ഫോട്ടോ: പ്രദീപ് കൃഷ്ണ 600: 9846922329

മലപ്പുറം ജില്ലയിൽ കൂട്ടിലങ്ങാടി വില്ലേജിൽ സ്ഥിതി ചെയ്യുന്ന അഞ്ച് മഹാവിഷ്ണു ക്ഷേത്രങ്ങളുടെ മാഹാത്മ്യങ്ങളിലൂടെയാണ് ഈ വൈശാഖ മാസക്കാലത്തിന്റെ ഭക്തിസഞ്ചലനം. വിഷ്ണുഭക്തരായ ഗ്രാമവാസികളുടെ ഭക്തിപ്രയാണമാണ് കാലം ആവർത്തിക്കുന്നത്. പരശുരാമനാൽ കൽപ്പിക്കപ്പെട്ട അറുപത്തിനാല് ഉപഗ്രാമങ്ങളിൽ ഒന്നാണ് സഗരപുരം എന്ന ഗ്രാമം. വള്ളിക്കാപ്പറ്റ, മങ്കട പള്ളിപ്പുറം, കടുകൂര്, പടി ഞ്ഞാറ്റേ മുറി എന്നീ ഭാഗങ്ങൾ ചേർന്ന സകരപുരം ഗ്രാമം. മരു കാലഘട്ടത്തിൽ നാമജപമുഖരി തമായിരുന്ന ഗ്രാമം, പടയോട്ടവും, കലാപവും ഇരുചാലുകീറി എത്തിയപ്പോൾ നിലവിളികളിലും പലായനത്തിലും കണ്ണീർചാലുകൾ തീർത്തു. പഴയ ആചാരങ്ങ ൾ പലതും നെടുവീർപ്പുകളിൽ ഒതുങ്ങുകയായിരുന്നു. ഭക്തിയുടെ പുനർജനിയാണ് അഞ്ചമ്പല ദർശനത്തിന്റെ കാൽപ്പാടുകൾ. ഭക്തി യുടെ അടിപ്രദക്ഷിണവുമായി എത്തുകയാണ് വൈശാഖ പുണ്യം തേടി ഭക്തർ.

വൈശാഖമാസത്തിൽ വിഷ്ണു ഭക്തിയുടെ മഹത്വം ഏവർക്കും തിരിച്ചറിവുള്ളതാണല്ലോ. അറിയാതെയെങ്കിലും "നാരായണ എന്ന് ജപിച്ചാൽ സാക്ഷാൽ മോക്ഷം ലഭിക്കുന്ന ദിന ങ്ങളാണ് വൈശാഖം. നഗരപുരത്തിലെ ഹരി ദർശനം ഭക്തിയിൽ മോക്ഷമായി തന്നെ ഭക്തരിൽ എത്തിച്ചേരുകയാണ്. വള്ളിക്കാപ്പറ്റ വിഷ്ണുക്ഷേത്രം, തിരുനാരായണപുരം, കീഴ്തൃക്കോവിൽ, കുളമേതൃക്കോവിൽ, മുടപ്പി ലാ വിഷ്ണുക്ഷേത്രം എന്നിപ്രകാരം അഞ്ച് വിഷ്ണു ക്ഷേത്രങ്ങളിൽ ഉച്ചപൂജയ്ക്ക് മുമ്പ് തൊഴുതു വണങ്ങുക എന്ന താണ് അഞ്ചമ്പലദർശനത്തിന്റെ കേമം.

ഒന്നാം തൊഴിലും രണ്ടാം തൊഴിലും

വിഷ്ണുവിന്റെ അഞ്ച് ഭാവത്തിലുള്ള മഹാക്ഷേത്രങ്ങളാണ് സഗരപുരത്തിലൂടെ വലം വയ്ക്കുന്നത്. ഭക്തിയുടെ ഒട്ടനവധി ഐതിഹ്യങ്ങൾ ചേർന്നതാണ് ഓരോ നാലകങ്ങളും. സഗരപുരത്തിലെ ഹരി പഞ്ചദർശനത്തിന് എടുത്തു പറയത്തക്കതായ മറ്റൊരു പ്രത്യേകത കൂടിയുണ്ട്. മാസത്തിന്റെ ആദ്യത്തെ പതിനഞ്ച് ദിവസം വള്ളിക്കാപ്പറ്റ ക്ഷേത്രത്തിൽ നിന്നും ആരംഭിച്ച് മുടപ്പില വിഷ്ണുക്ഷേത്രത്തിൽ അവസാനിക്കും പ്രകാരമാണ് ക്ഷേത്ര വലം. പകുതിക്കുശേഷം മുടപ്പിലാക്ഷേത്രത്തിൽ നിന്നും തുടങ്ങി വള്ളിക്കാപ്പറ്റയിൽ അവസാനിക്കും പ്രകാരമാണ് വലം വയ്ക്കൽ.

ഒന്നാം തൊഴിലും രണ്ടാം തൊഴീലും എന്നൊരു നേർച്ച ഇവിടെ പതിവുണ്ട്. ഭക്തന്റെ കാര്യസാധ്യത്തിനായി രണ്ട് തൊഴിൽ നേർച്ചയായി നേരുന്നവരുണ്ട്. ആദ്യത്തെ പതിനഞ്ച് ദിവസത്തിനുള്ളിൽ ആദ്യവലവും പിന്നീടുള്ള പതിനഞ്ച് ദിവസത്തിനുള്ളിൽ രണ്ടാമത്തേതും തൊഴുതുവലം വയ്ക്കാം എന്നതാണ് നേർച്ച.