ഈശ്വരനല്ലാതെ മറ്റാരുമല്ല

അനുഭവകഥ

- മഞ്ജു തുളസീധരൻ ശ്രീശൈലം, മുട്ടത്തറ, വള്ളക്കടവ്, പി.ഒ, തിരുവനന്തപുരം 600: 9497802340

ദേവീഭാഗവതം വായിച്ചതിനുശേഷമാണ് എനിക്ക് ഇത്തരത്തിലുള്ള അനുഭവങ്ങൾ ഉണ്ടായിത്തുടങ്ങിയത്. അതിന്റെ ഒരു തുടർച്ചയിൽ ഒട്ടുംതന്നെ എന്റെ ഓർമ്മ ചോർന്നുപോകാതെ എഴുതണമെന്നാണ് ആഗ്രഹിക്കുന്നത്. എന്റെ പ്രസവത്തിനു ശേഷം പഴയതുപോലെ നിത്യവും ദേവീഭാഗവതം വായിക്കാൻ സാധിച്ചിരുന്നില്ലെങ്കിലും എപ്പോഴും ആ പരാശക്തിയെ ധ്യാനിക്കുമായിരുന്നു. അങ്ങനെ ഒന്നരവർഷം കടന്നുപോയത് അറിഞ്ഞില്ല. ഞാൻ വിദേശത്ത് ഭർത്താവിന്റെ അടുത്തേക്ക് പോകാൻ പോയി. അദ്ദേഹത്തിന്റെ നിർബന്ധത്തിന് വഴങ്ങി അവിടെ ഞാൻ ജോലിക്ക് തീരുമാനിച്ചു. അങ്ങനെ അഭിമുഖ പരീക്ഷ കഴിഞ്ഞു. തരക്കേടില്ലാത്ത തസ്തികയിൽ ജോലിയിൽ പ്രവേശിക്കേണ്ട ദിവസം ഞാൻ താമസിക്കുന്ന ഫ്ളാറ്റിന് മുന്നിൽ ഔദ്യോഗിക വാഹനം വന്നു. കാറിൽ ഡ്രൈവറൊഴികെ മറ്റാരും ഉണ്ടായിരുന്നില്ല. ഏതാണ്ട് ഒന്നര മണിക്കൂറോളം മരുഭൂമിയിൽക്കൂടിയുള്ള യാത്ര. ഒരു കടയോ ടെലിഫോൺ ബൂത്തോ മനുഷ്യരോ, മൃഗങ്ങളോ ഒരു പച്ചപ്പോ ഒന്നുമില്ല. സൂക്ഷിച്ചുനോക്കിയപ്പോൾ അകലെ വളരെ ചെറുതായി ഒരു ട്രക്ക് പോകുന്നത് കണ്ടു. കാറിനകത്തും പുറത്തും നിശ്ശബ്ദത. എപ്പോഴോ ഒന്നുരണ്ട് തവണ ഡ്രൈവർ ആരോടോ എനിക്ക് വശമില്ലാത്ത ഭാഷയിൽ സംസാരിക്കുന്നുണ്ടായിരുന