சென்னையில் தனியாக வசிக்கும் முதியவர்களை தினமும் வீடு தேடிச் சென்று உதவும் திட்டம்

சென்னை மாநகர காவல் துறை ஆணையர் தகவல்

- 

கொலை- கொள்ளையை தடுக்க சென்னையில் தனியாக வசிக்கும் முதியவர்களை நாள்தோறும் வீடு தேடிச்சென்று காவல்துறையினர் உதவி வருகிறார்கள்.

தமிழ்நாட்டில் வயதான வாழ்விணையர் முதியவர்கள் வசிக்கும் வீடுகளை நோட்டமிட்டு கொள்ளை யடிக்கும் சம்பவங்கள் அவ்வப்போது அரங்கேறி வருகின்றன. கடந்த நவம்பர் மாதம் திருப்பூர் மாவட்டம் சேமலைக்கவுண்டன்புதூரில் தோட் டத்து வீட்டில் வசித்து வந்த வயதான இணையர்கள் தெய்வசிகாமணி- அலமாத்தாள், அவரது மகன் செந்தில் குமார் ஆகிய 3 பேர் கொடூரமாக கொலை செய்யப்பட்டு, பணம் நகை கொள்ளையடிக்கப்பட்டது.

இந்த சம்பவம் தமிழ்நாட்டையே உலுக்கியது. இந்த அதிர்ச்சி அடங்குவதற்குள் கடந்த மே 1ஆம் தேதி ஈரோடு மாவட்டம் சிவகிரி அடுத்த விளக்கேத்தி என்ற கிராமத்தில் தோட்டத்து வீட்டில் வசித்து வந்த வயதான இணையர்கள் ராமசாமி (75), பாக்கியம்மாள் (65) ஆகியோரும் கொடூரமாக கொலை செய்யப்பட்டு 10 பவுன் நகைகள் கொள்ளையடிக்கப்பட்டது.