தமிழ்நாட்டில் முதல்முறையாக செயற்கை நுண்ணறிவு தொழில்நுட்பத்துடன் கழிவு மேலாண்மை ஊட்டி நகராட்சியில் செயல்படுத்த நடவடிக்கை

தமிழ்நாட்டில் முதன்முறையாக செயற்கை நுண்ணறிவு (ஏ.அய்.) தொழில்நுட்பத்துடன் கழிவு மேலாண்மை ஊட்டி நகராட்சியில் மேற்கொள்ள நடவடிக்கை எடுக்கப் பட்டுள்ளது.

- 

நீலகிரி மாவட்டம் ஊட்டி நகராட்சியில் நாள்தோறும் 35 டன் கழிவு மற்றும் குப்பை சேகாரமாகிறது. குப்பையைக் கையாள்வது மற்றும் அகற்றுவதில் சிக்கல்கள் நிலவி வருகின்றன. உள்ளூர் மக்கள் மட்டுமின்றி, நாள்தோறும் பல்லாயிரக்கணக்கான சுற்றுலாப் பயணிகளும் ஊட்டிக்கு வருவதால் அன்றாடம் அதிக அளவு குப்பை சேகரமாகிறது. ஆட்கள் பற்றாக்குறை, காலநிலை மற்றும் நில அமைப்பு ஆகிய காரணங்களாக குப்பையை சேகரிப்பதில் சவால் நிலவுகிறது.

இந்நிலையில், ஊட்டி நகராட்சி தற்போது கிண்ட்ரில் மற்றும் ஹேண்ட் இன் ஹேண்ட் தன்னார்வத் தொண்டு நிறுவனங்களின் துணையுடன், ஏ.அய். தொழில்நுட்ப உதவியுடன் குப்பையைக் கையாள முயற்சி மேற்கொண்டுள்ளது. முதல்கட்டமாக ஊட்டி நகராட்சி காந்தல் பகுதியில் இதை செயல்படுத்த நடவடிக்கை மேற்கொள்ளப்பட்டுள்ளது.