சமத்துவத்தை, அரசமைப்பை மதிக்கிறவர்கள், சட்ட மாண்புகளை பாதுகாக்கிறவர்கள் நீதிபதியாக வேண்டும்

வழக்குரைஞர் அ.அருள்மொழி வலியுறுத்தல்

- 

சென்னை, மார்ச் 9-  பார் கவுன்சிலில் பெண் வழக்குரைஞர்களின் எண்ணிக்கையை அதிகரிக்க வேண்டும் என்று கோரிக்கை விடுக்கப்பட்டுள்ளது. பன்னாட்டு மகளிர் தினம் நேற்று (8.3.2023) கொண்டாடப்பட்டது.  இதனையொட்டி சென்னை உயர்நீதி மன்ற வாயிலில் அகில இந்திய வழக்குரைஞர்கள் சங்கம் ‘பன்னாட்டு பெண்கள் தின கண்காட்சி’யை நடத்தியது. 

இந்தக் கண்காட்சியை திறந்து  வைத்து சங்கத்தின் மாநிலத் தலைவர்  என்.ஜி.ஆர்.பிரசாத் பேசுகையில், 1958 ஆம் ஆண்டு தன்னுடன் ஒரே ஒரு பெண் வழக்குரைஞர்தான் படித்தார். வியக்கும் வகையில் மிக திறமையாக வாதாடக்கூடிய அவர், பெண்ணாக இருந்ததால் நீதிபதியாக முடியவில்லை என்ற ஆதங்கத்தை வெளியிட்டார்.