నవరాత్రి నాయకి సకలశక్తి స్వరూపిణి

భారతదేశంలో పాటించే ఆచార వ్యవహారాలు, దేవీ దేవతల రూపాలు, పూజలు పర్వదినాలు..అన్నీ కూడా వ్యక్తి సమాజంలో సముచిత గౌరవం పొందుతూ, సంఘ నియమాలను పాటిస్తూ ఉన్నత ఆధ్యాత్మిక మార్గంలో పయనించడానికి ఉద్దేశించినవి కావడం విశేషం. వేదాలు, పురాణాలు, ఇతిహాసాలు అన్నీ కూడా ఇదే విషయాన్ని ప్రముఖంగా పేర్కొన్నాయి.

- ఇలపావులూరి వెంకటేశ్వర్లు

గమనించవలసిన మరో విషయం ఏమిటంటే భారత ఆరాధనలో ఎలాంటి లింగ జీవిం లేకపోవడం. ప్రకృతి మరియు పురుషుడు రెండూ సమానమే.

కాకపోతే కాలక్రమంలో ఆరాధనా సక విధానాలలో కొంత మార్పు చోటు చేసుకున్నది. అలా ఏర్పడినవే శైవ, వైష్ణవం, శాక్తేయం. శివారాధకులను 'శైవులు' అన్నారు. శ్రీ మహా విష్ణువును పూజించే వారిని 'వైష్ణవులు' అని పిలుస్తారు. చరాచర సృష్టికి మూలం ప్రకృతి స్వరూపిణి అయిన మహా ఆది పరాశక్తిని సేవించేవారిని 'శాక్తేయులు' అంటారు. పరాశక్తిని ఆరాధించడంలో మంత్రం, తంత్రం రెండు విధానాలు ప్రముఖ పాత్ర పోషిస్తాయి. పూర్వం అమ్మవారి పూజలో జంతు బలులు చోటు చేసుకొనేవి. జగన్మాత కూడా ఉగ్రరూపంతో దర్శనమిచ్చేది. జగద్గురు శ్రీ శ్రీ శ్రీ ఆది శంకరులు విశేష క్షేత్రాలలో 'శ్రీచక్ర స్థాపన చేసి అమ్మను శాంతింపచేశారు. అప్పటి నుండి జంతు బలులు కూడా నిలిచిపోయాయి.

సకల లోక పాలకురాలు, సర్వ జీవులకు జనని, ముగ్గురమ్మల మూలపుటమ్మ, ప్రకృతి స్వరూపిణి అయిన

ఆదిపరాశక్తిని అనేక నామ రూపాలతో ఆరాధించడం శతాబ్దాలుగా జరుగుతున్నది.

ముల్లోక పూజ్యురాలైన అమ్మ యాభై ఒక్క శక్తి పీఠాలలో, అనేక పుణ్య తీర్థ క్షేత్రాలలో స్వయంవ్యక్తగా, ప్రతిష్ఠిత మూర్తిగా వెలసి ఉన్నారు. గ్రామ గ్రామాన గ్రామవాసులు సంరక్షించే శక్తిగా గ్రామదేవతగా పూజలు అందుకొంటున్నారు. మిగిలిన ఆరాధనా విధానాలలో మాదిరి అమ్మవారి సేవలలో కూడా అనేక విధి విధానాలు పాటించడం జరుగుతోంది. వాటిల్లో ముఖ్యమైనవి. 'నవరాత్రులు'. శక్తిని మాతృ రూపంలో ఆరాధించాలని స్వయంగా సృష్టికర్త బ్రహ్మదేవుడు శ్రీ మార్కండేయ మహర్షికి చెప్పారని దేవీ భాగవతం తెలుపుతున్నది. సర్వ విజయాలకు మూలం అయిన శ్రీ దుర్గా దేవికి అత్యంత ప్రీతికరమైన నవరాత్రులలో వివిధ పాలలో అలంకరణలతో ఏ విధంగా ఆరాధించాలి..అన్నది కూడా దేవీ భాగవతం సవివరంగా తెలుపుతున్నది.

నవరాత్రులు

పురాణాల ప్రకారం సర్వ విద్యాప్రదాయని, సమస్త జ్ఞానప్రదాత, సకల ఐశ్వర్యదాయని, సకలసృష్టి స్థితి లయకారిణి, పరబ్రహ్మ స్వరూపిణి అయిన పరాశక్తిని ధ్యానించి ఆరాధించే విధానాలలో నవరాత్రి ఉత్సవాల స్థానం ప్రత్యేకమైనది.