Lance slaag 'toetse'

Vir Lance Booysen (36), 'n platejoggie van Klapmuts en bekend as "The Switch", het die lewe altyd 'n mengsel uitdagings.

- Jana Scheepers

Lance Booysen, alombekend as die platejoggie “The Switch”.

Dié plaaslike kunstenaar, wat onlangs fase 3-Hodgkin-limfoom oorleef het, sien nou uit na 'n nuwe hoofstuk in sy loopbaan - die vrystelling van sy langverwagte debuut-EP op 31 Oktober.

Booysen het Hodgkin-limfoom, 'n soort bloedkanker, oorleef nadat dit in Maart vanjaar by hom gediagnoseer is.

Hy vertel hy het op 14 Maart 'n "gig" gehad, maar daardie dag met sy gesondheid gesukkel, waarna hy vir toetse na die Paarl-hospitaal toe is en toe na die Tygerberg-hospitaal oorgeplaas is, waar die fase 3-bloedkankerdiagnose met hom gedeel is.

Hy is hierna vir 12 weke op 'n intensiewe chemo-behandeling geplaas en het wesenlike leefstylveranderinge ondergaan, soos om gesonder te eet en meer te oefen - iets wat hy steeds volhou - waarna hy die goeie nuus ontvang het dat hy in remissie is.