కిలోమీటర్ ప్రయాణానికి అరగంట

• రద్దీ నియంత్రణపై పోలీసు శాఖ కసరత్తు సిటీలో వాహనాల సంఖ్య రోజురోజుకు పెరుగుతున్నదని సీపీ సజ్జనార్ ప్రకటన

- 

తెలంగాణ బ్యూరో ప్రతినిధి: హైదరాబాద్ నగరంలో ప్రయాణమంటే నరకంగా మారింది. కిలోమీటర్ ప్రయాణానికి అరగంట సమయం పడుతున్న సందరాలు కోకొల్లాలు. వర్షం పడినా, రహదారులపై వాహనాలు మరమ్మతులకు గురైనా పరిస్థితి చెప్పనవసరం లేదు. సిటీలో వాహనాల సంఖ్య రోజురోజుకు పెరుగుతున్నదని సీపీ సజ్జనార్ ఓ సమావేశంలో ప్రకటించారు.

ట్రాఫికర్ను తొలగించడానికి సజ్జనార్ అన్ని విభాగాలతో సమన్వయ సమావేశం నిర్వహించి ట్రాఫిక్ నియంత్రణపై చర్చించారు. ఈ సమావేశంలో సికింద్రాబాద్, చాదర్ఫట్, మలక్పేట, పాతబస్తీ తదితర ప్రాంతాలన్నీ ట్రాఫిక్ రద్దీతో స్థానికులతో పాటు ఆప్రాంతాలకు వెళ్లేవారికి ఇబ్బందులు తప్పడం లేదు. ట్రాఫిక్ రద్దీ నియంత్రించడానికి పోలీసుశాఖ జీహెచ్ఎంసీకి కొన్ని ప్రతిపాదనలు పంపింది. పోలీసులు పంపిన అనేక ప్రతిపాదనలు కార్యరూపం దాల్చలేదనే విషయం ఈ సమావేశంలో వెలుగులోకి వచ్చింది. భాగ్యనగరంలో నిజాం నవాబుల కాలంలో రూపొందిన సీతారాంబాగ్, కిషన్బాగ్, కంచన్బాగ్ తదితర బాగ్, మలక్పేట, ధూల్పేట తదితర పేటలు, చాంద్రాయణగుట్ట తదితర గుట్టల రూపంలో ఏర్పడిన ప్రాంతాలే అత్యధికంగా ఉన్నాయి. ఈ ప్రాంతాల కారణంగానే అవసరమైన స్థాయిలో రోడ్లు, సమాంతర మార్గాలు లేకపోవడంతో ట్రాఫిక్ కష్టాలు తీరడం లేదు.