రిటైర్మెంట్ ఇచ్చేసిన క్రీడా దిగ్గజాలు

• టెన్నిస్ కోర్ట్ నుంచి డబ్ల్యూ డబ్ల్యూఈ రింగ్ వరకు వీడ్కోలు

- 

• రోకో డెసిషన్ అందరికీ పెద్ద షాక్!

• 2025లో క్రికెట్ పిచ్ నుంచి ఫుట్ బాల్ మైదానం వరకు

2025లో క్రీడా ప్రపంచం పలువురు దిగ్గజ ఆటగాళ్ల వీడ్కోలుకు సాక్షిగా నిలిచింది. క్రికెట్, ఫుట్బాల్, టెన్నిస్, డబ్ల్యూడబ్ల్యూఈ వంటి విభిన్న క్రీడల్లో కొన్నేళ్లుగా ప్రేక్షకులను ఉర్రూతలూగించి కోట్లాది అభిమానుల గుండెల్లో నిలిచిపోయిన ఆటగాళ్లు తమ కెరీర్కు ముగింపు పలికారు. క్రికెట్లో టీమ్ ఇండియా స్టార్లు విరాట్ కోహ్లి, రోహిత్ శర్మ నుంచి ఫుట్బాల్లో సెర్జియో బుస్కెట్స్, జోర్డీ ఆల్బా, మార్సెలో, హమ్మెల్స్ లాంటి ప్రపంచ స్థాయి ఆటగాళ్లు వరకు పలువురు ప్రపంచస్థాయి ప్లేయర్స్ తమ సుదీర్ఘ కెరీర్కు రిటైర్మెంట్ ప్రకటించి అభిమానులకు షాక్ ఇచ్చారు. 2025 ఏడాదికి మరికొన్ని రోజుల్లోనే గుడ్బై చెప్పనున్న వేళ, ఈ ఏడాది రిటైర్మెంట్ ప్రకటించిన దిగ్గజ క్రీడాకారులు ఎవరో తెలుసుకుందాం.

టెస్టు క్రికెట్కు విరాట్ కోహ్లి గుడ్బై : భారత క్రికెట్ చరిత్రలో విరాట్ కోహ్లి ఓ లెజెండ్. సమకాలిన ప్రపంచ క్రికెట్లో అతడు రారాజు. అలాంటి దిగ్గజ ఆటగాడు 2025 మే 12న టెస్టు క్రికెట్కు వీడ్కోలు పలికాడు. 36 ఏళ్ల వయసులో ఈ నిర్ణయం తీసుకున్న కోహ్లి, సోషల్ మీడియా ద్వారా 'తన రిటైర్మెంట్ను ప్రకటించాడు. 14 ఏళ్ల టెస్టు కెరీర్లో కోహ్లి 123 మ్యాచ్లు ఆడి, 9,230 పరుగులు (సగటు 46.85) సాధించాడు. భారత్ తరఫున టెస్టుల్లో సచిన్ తెందుల్కర్, రాహుల్ ద్రావిడ్, సునీల్ గావస్కర్ తర్వాత అత్యధిక పరుగులు చేసిన ఆటగాడు.కోహ్లి. అతడి నాయకత్వంలో భారత్ జట్టు అద్భుతమైన విజయాలను అందుకుంది. విదేశీ గడ్డపై చిరస్మరణీయ టెస్టు విజయాలు కోహ్లి సేన సాధించింది. 2024లో టీ20 వరల్డ్ కప్ విజయం అనంతరమే టీ20 ఫార్మాట్కు వీడ్కోలు పలికిన కోహ్లి, ప్రస్తుతం వన్డేల్లో మాత్రమే కొనసాగుతున్నాడు.