ఫెడరల్ కోర్టులో ట్రంప్ కు ఎదురుదెబ్బ..

జన్మతః పౌరసత్వ రద్దు అమలుపై స్టే!

- 

వాషింగ్టన్: అగ్రరాజ్యం అమెరికా నూతన అధ్యక్షుడు డొనాల్డ్ ట్రంవ్కు ఎదురుదెబ్బ తగిలింది. రెండోసారి అధ్యక్ష బాధ్యతలు స్వీకరించిన తర్వాత ఆయన అత్యంత ఆర్భాటంగా జారీ చేసిన జన్మతః పౌరసత్వం రద్దు ఎగ్జిక్యూటివ్ ఆర్డర్ అమెరికా ఫెడరల్ కోర్టులో అవరోధానికి లోనైంది. ఆ ఉత్తర్వులను అమల్లోకి రాకుండా ఆపాలని కోరుతూ నాలుగు రాష్ట్రాలు వేసిన పిటిషన్ను విచారణ చేసిన అమెరికా డిస్ట్రిక్ట్ జడ్జి జాన్ సి. కాఫుర్ ఆ ఉత్తర్వును తాత్కాలికంగా నిలిపివేశారు.