సింగరేణిలో సోలార్ ఎనర్జీ స్టోరేజ్ సిస్టమ్

• రెండు మూడు రోజుల్లో ప్లాంటు ప్రారంభం • మందమర్రి సింగరేణి సోలార్ ప్లాంట్ రాష్ట్రంలోనే మొట్టమొదటిది • ఏడాదికి 9 .1 లక్షల యూనిట్ల విద్యుత్ సద్వినియోగం • సుమారు 70 లక్షల రూపాయల వరకు ఆదాకు అవకాశం ఇప్పటికే నిర్వహించిన ట్రయల్ రన్ విజయవంతం • సింగరేణి అంతటా బీఈఎస్ఎస్ ఏర్పాటుకు సన్నద్ధం • సింగరేణి సీఎండీ ఎన్. బలరాం

- 

తెలంగాణ బ్యూరో ప్రతినిధి : పగటిపూట ఉత్పత్తి జరిగే సోలార్ విద్యుత్తులో వినియోగించబడని విద్యుత్తును ఉచితంగా గ్రిడ్ కు సరఫరా చేయకుండా, బ్యాటరీలో నిలువ చేసుకొని, అవసరమైనప్పుడు వాడుకునే అవకాశం కలిగించే బ్యాటరీ ఎనర్జీ స్టోరేజ్ సిస్టమ్ ను రాష్ట్రంలోనే తొలిసారిగా సింగరేణిలో ప్రారంభించనున్నారు. పునరుత్పాదక విద్యుత్తు పెంపుదల కోసం ముఖ్యమంత్రి ఎ. రేవంత్ రెడ్డి, ఉప ముఖ్యమంత్రి భట్టి విక్రమార్క మల్లు చేస్తున్న విశేషమైన కృషిలో భాగంగా సింగరేణి కాలరీస్ కంపెనీ మందమర్రి ఏరియాలో గల తన 28 మెగావాట్ల సోలార్ పవర్ ప్లాంట్ కు అనుబంధంగా ఈ బ్యాటరీ ఎనర్జీ స్టోరేజ్ సిస్టమ్ (బీఈఎస్ఎస్) ను ఇటీవల ఏర్పాటు చేసింది. ఇది ఒక మెగావాట్ సామర్థ్యం కలిగిన ప్రయోగాత్మక ప్లాంట్. దీనిని రెండు మూడు రోజుల్లో ఈ బ్యాటరీ ఎనర్జీ స్టోరేజ్ సిస్టమ్ ను ప్రారంభించేందుకు ఏర్పాట్లు పూర్తయ్యాయి.