Stroebel bedank as Tuinroete-burgemeester

Die burgemeester van die Tuinroete-distriksmunisipaliteit, Andrew Stroebel, het sy bedanking aangekondig en sal op 31 Oktober sy amp ontruim.

- 

Hy beklemtoon dat sy besluit geen verborge agenda het nie, maar dat dit bloot die regte tyd vir 'n nuwe rigting in sy lewe is.

"Dit was nog altyd die plan om dinge reg te kry, te doen wat ek moes doen, en dan aan te beweeg," het Stroebel gesê. "Ek gaan nou my ander liefde in die privaat sektor uitleef. Daar is ook ander planne."

Volgens Stroebel is sy besluit ingevolge tydsberekening en respek vir die DA se komende kandidaatproses.

Hy meen dit is belangrik dat nuwe leiers kans kry om na vore te tree.