૧૬૪ મોબાઈલ સહિત ૪૯ લાખની કીમતી ચીજવસ્તઓ ચોરી ડિલિવરી બોય ફરાર

ઈ-કોમર્સ કંપનીના અનેક ગ્રાહકોની ફરિયાદો મળ્યા બાદ ભાંડો ફૂટ્યો

- 

આઠ વર્ષથી ડિલિવરીનું કામ કરતા યુવકની નિયત ખરાબ થઈ અને તે એક જ ઝાટકે ૧૬૪ મોબાઇલ ફોન સહિતની ૪૯ લાખની કીમતી ચીજવસ્તુઓ ચોરીને ફરાર થઈ જતાં ખળભળાટ મચી ગયો છે. જાણીતી ઈ-કોમર્સ કંપનીના ગ્રાહકોએ મંગાવેલી ચીજવસ્તુઓની ડિલિવરી કરવાની જગ્યાએ તેને લઈને ડિલિવરી બોય રફુચક્કર થઈ ગયો છે.

ગ્રાહકોની ધડાધડ ફરિયાદો આવતાં સમગ્ર મામલો સામે આવ્યો છે. નરોડાના ગોડાઉનમાંથી વસ્તુઓ નીકળી ગયા બાદ તેને ડીલર સુધી પહોંચાડી પણ દેવાઈ હતી. ત્યાર બાદ ડિલિવરી બોય તમામ વસ્તુઓ લઈને નીકળી ગયો હતો. જ્યારે અમદાવાદ હેડ ઓફિસનો કર્મચારી ડીલર પાસે પહોંચ્યો ત્યારે ડિલિવરી બોયની નફટાઈ સામે આવી હતી.

સેટેલાઈટ વિસ્તારમાં આવેલા શ્યામ એલીગન્સમાં રહેતા અને મૂળ મધ્યપ્રદેશના ભોપાલના વતની શશિભૂષણ ત્રિવેદીએ ખાડિયા પોલીસ સ્ટેશનમાં મોહંમદ શબ્બાર મનસૂરી સામે ૪૯ લાખની છેતરપિંડીનીફરિયાદ કરી છે.