முடிச்சூரில் அமைக்கப்பட்டுள்ள ஆம்னி பேருந்து நிலையத்திற்கு செல்ல மறுக்கும் பஸ்கள்!

சென்னையிலிருந்துதென் மாவட்டம் மற்றும் மேற்கு மாவட்டங்களுக்குச் செல்லும் நீண்ட தூர தனியார் ஆம்னி பேருந்துகள், முடிச்சூரில் அவர்களுக்காகக் கட்டப்பட்டுள்ள 5 ஏக்கர் பேருந்து நிலையத்திற்கு செல்லமறுத்து, அதற்குப்பதிலாக, அவை தொடர்ந்து நகரின் முக்கிய இடங்களிலேயே பயணிகளை ஏற்றி இறக்கி வருகின்றன.

- 

சென்னையில் கோயம்பேடு பேருந்து நிலையம் இயங்கியபோது அதன் அருகே தனியார் ஆம்னி பேருந்து நிலையமும் இயங்கி வந்தது. கிளாம்பாக்கம் பேருந்து நிலையம் செயல்பட தொடங்கியவுடன், சென்னைக்கு வரும் அனைத்து புறநகர் மற்றும் தொலைதூர பேருந்துகளை கிளாம்பாக்கத்தோடு நிறுத்த அரசு முடிவு செய்தது.

ஆனால் தனியார் ஆம்னி பேருந்துகள் கிளாம்பாக்கம் பேருந்து நிலையத்தில் போதுமான வசதி இல்லை எனக்கூறி கோயம்பேடு உள்ளிட்டமுந்தைய இடங்களில் இருந்தே இயக்கி வருகிறது.

இந் நிலையில், முடிச்சூரில் வெளிவட்ட சாலையில் 42 கோடி ரூபாய் மதிப்பில் அமைக்கப்பட்ட தனியார் ஆம்னி பேருந்து நிலையத்தை முதல்வர் மு.க. ஸ்டாலின் திறந்து வைத்து ஓராண்டு ஆகிறது. 150 பேருந்துகளைநிறுத்தும் வசதி இருந்தும், வெறும் 15 பேருந்துகள்மட்டுமே அங்கு வருகிறது.