சரக்கு ரெயிலில் ஏற்பட்ட தீ விபத்துக்கு காரணம் என்ன?

சரக்கு ரெயில் ஏற்பட்ட தீ விபத்துகாரணமாக சென்னை சென்டிரலில் இருந்து செல்லும் ரெயில்கள் நிறுத்தம் செய்யப்பட்டுள்ளது.

- 

சென்னை திருவள்ளூர் அருகே எரிபொருள் ஏற்றிச் சென்ற சரக்கு ரெயிலில் பயங்கர தீ விபத்து ஏற்பட்டுள்ளது. கொளுந்துவிட்டு எரியும் தீயால் அப்பகுதி முழுவதுமே கரும்புகை மண்டலம் போல காட்சியளிக்கிறது. ரெயிலில் எரிபொருட்கள் இருப்பதால் தீ மேலும் பரவும் என அஞ்சப்படுகிறது.

தீ விபத்து குறித்து தகவல் அறிந்ததும் விரைந்து வந்த தீ அணைப்புத் துறையினர் தீயை அணைக்கப் போராடி வருகிறார்கள். 10க்கும் மேற்பட்ட தீ அணைப்பு வாகனங்கள் தீயை அணைக்கும் பணியில் ஈடுபடுத்தப்பட்டுள்ளன.

இதன்படி சென்னை சென்ட்ரலில் இருந்து கர்நாடகா மற்றும் பல்வேறு பகுதிகளுக்குச் செல்லும் ரெயில்கள் நிறுத்தப்பட்டுள்ளதால் பயணிகள் கடும் அவதிக்குள்ளாகி உள்ளனர்.

அதிகாலையிலேயே ரெயிலில் ஏற்பட்ட தீ விபத்து அப்பகுதியில் பெரும் பரபரப்பை ஏற்படுத்தியுள்ளது.