Dr. Franklin Sonn het diep spore getrap

Dr. Franklin Sonn, 'n voormalige ambassadeur in Amerika en gerespekteerde openbare figuur in Suid-Afrika, is op Saterdag 15 November in die ouderdom van 86 jaar oorlede terwyl hy en sy vrou, Joan, saam met hul seun, Crispin rugby gekyk het. Sonn het vermoedelik 'n hartaanval gehad.

- Alida de Beer

Die egpaar was in die Kaap waar Sonn die week vantevore 'n pasaangeër gekry het. Volgens Sonn jnr. het sy pa gewag om 'n tweede prosedure te ondergaan en wou sy ouers hierdie week by hul huis in Fancourt deur bring, voor hulle sou terugkeer Kaap toe. Die drie van hulle was van plan om Sondag George toe te vertrek.

Volgens Sonn was sy pa die groot patriarg van die Gelderbloemen Sonn-families. Joan se familie is die Gelderbloems van George.

"Hy was 'n raadgewer vir talle - familie, vriende en jongmense het altyd sy advies gevra. Hy het hoë standaarde gehad en het baie van mense verwag, maar het ook baie teruggegee."