Van Ingenieur tot storieverteller: Dr. Hennie Barnard deel die lewe se lekker lesse

"Dr. Hennie Barnard, 'n afgetrede beheerstelselingenieur, het verlede Saterdag sy eerste boek, Die lewe se lekker lesse, by Dutton's Cove in Heroldsbaai bekendgestel. Hier het die gehoor meer geleer oor hoe Hennie die oorgang van besigheidsman na skrywer gemaak het.

- Marguerite van Ginkel

In diep gesprek. Marguerite van Ginkel, George Herald-joernalis, peper Hennie met 'n paar in diepte vrae tydens die boekbekendstelling in Heroldsbaai.

Hennie het vertel dat hy nog altyd 'n fyn waarnemingsvermoë gehad het en maklik die snaakse in netelige situasies raaksien. Dit is presies wat in sy boek, wat uit 'n versameling van 23 kortverhale bestaan, uitgebeeld word. Hy neem die leser op 'n visuele en emosionele reis en ry saam met hulle die golf tot by 'n onverwagte en verrassende einde.

Sy skryfwerk, geïnspireer deur groot geeste soos Jan Spies, PG du Plessis, Annelie Botes en Dana Snyman, lees soos 'n kaggelvuurstorie oor gewone mense op 'n ongewone manier vertel.