VGK Blanco: sakke vol geld en 'n kerk vol vrae

Spanning binne die VGK Blanco-gemeente het die afgelope week tot kookpunt gestyg ná verskeie omstrede voorvalle, insluitend die ontdekking van sakke vol geld, ontwrigting van 'n Sondagdiens, en uiteindelik polisie-ingryping.

- Kristy Kolberg

Die onrus spruit glo uit 'n lang stryd tussen lidmate van wyk 22 en die kerkraad oor die hantering van fondse en 'n vermeende gebrek aan aanspreeklikheid in die leierskap. Reeds in September 2024 het die groep 'n formele brief aan die kerkraad gestuur waarin hulle antwoorde en groter deursigtigheid geëis het. Hulle het ook versoek dat 'n vergadering met die predikant en kerkraad gehou word.

Die spanning het op Sondag 6 Julie 'n hoogtepunt bereik toe 'n groep lidmate tydens die oggenddiens opgestaan en openlike antwoorde geëis het.

Daar word beweer dat die kerk ook honderde duisende rande aan die Suid-Afrikaanse Inkomstediens (SAID) skuld.

Die saak is later aan die Regskommissie van die VGK-streeksinode voorgelê, maar die kommissie het aangedui dat hulle slegs kan optree indien die kerkraad self 'n formele versoek daartoe rig. Tot op hede het die kerkraad glo nog nie so 'n versoek gerig nie, en vergaderings tussen die raad en die groep lidmate het geen oplossings opgelewer nie.

Sakke vol geld ontdek