துபையில் தேஜஸ் போர் விமானம் விழுந்து நொறுங்கி விமானி உயிரிழப்பு

துபை விமானக் கண்காட்சியில் வான் சாகசத்தில் ஈடுபட்ட இந்தியாவின் தேஜஸ் போர் விமானம் வெள்ளிக்கிழமை திடீரென விழுந்து நொறுங்கியது. இதில், விமானத்தை இயக்கிய ஹிமாசல பிரதேச மாநிலத்தைச் சேர்ந்த விங் கமாண்டர் நமான்ஷ் சயால் (37) உயிரிழந்தார்.

- 

நவம்பர் 17-ஆம் தேதி தொடங்கிய இந்தக் கண்காட்சியில் 150-க்கும் மேற்பட்ட நாடுகள் பங்கேற்றுள்ளன. இதில், இந்தியாவின் தேஜஸ் போர் விமானம், சூரிய கிரண் வான் சாகச குழுவினரின் சாகசங்கள் நடைபெற்றன. வெள்ளிக்கிழமை மதியம் சாகசத்தில் ஈடுபட்ட தேஜஸ் போர் விமானம் மிகவும் தாழ்வாகப் பறந்து மேலே எழும்ப முற்பட்டபோது திடீரென தரையில் விழுந்து நொறுங்கியது.