6-ஆம் வகுப்பினரில் 47% பேருக்கு வாய்ப்பாடு சரிவர தெரியவில்லை

நாட்டில் 6-ஆம் வகுப்பு மாணவர்களில் 47 சதவீதம் பேருக்கு 10-ஆம் வாய்ப்பாடு வரை சரியாக தெரியவில்லை; 3-ஆம் வகுப்பு மாணவர்களில் 45 சதவீதம் பேருக்கு 99 வரை ஏறுவரிசை-இறங்குவரிசையில் எழுதத் தெரியவில்லை என்று மத்திய கல்வி அமைச்சக ஆய்வில் கண்டறியப்பட்டுள்ளது.

- 

புது தில்லி, ஜூலை 8:

மத்திய கல்வி அமைச்சகம் சார்பில் தேசிய அளவில் முழுமையான வளர்ச்சி சார்ந்த அறிவுசார் செயல்திறன் மதிப்பீடு, மறு ஆய்வு மற்றும் பகுப்பாய்வு, கடந்த ஆண்டு டிசம்பரில் மேற்கொள்ளப்பட்டது. நாடு முழுவதும் 781 மாவட்டங்களில் 74,229 அரசு மற்றும் தனியார் பள்ளிகளில் 3, 6 மற்றும் 9-ஆம் வகுப்பு பயிலும் சுமார் 21.15 லட்சம் மாணவர்களிடம் இந்த ஆய்வு மேற்கொள்ளப்பட்டது.

அதன்படி, 3-ஆம் வகுப்பு மாணவர்களில் 55 சதவீதம் பேருக்கே 99 வரை ஏறுவரிசை-இறங்குவரிசையில் எழுதத் தெரிந்துள்ளது. 58 சதவீதம் பேர்தான், இரண்டு இலக்க எண்களின் கூட்டல்-கழித்தலை பிழையின்றி செய்கின்றனர்.