தண்டனைக் காலம் முடிந்த பிறகும் சிறையில் இருப்பது சட்டவிரோதக் காவல்

தண்டனைக் காலம் முடிந்த பிறகும் சிறையில் அடைக்கப்பட்டிருப்பது சட்ட விரோதக் காவலுக்குச் சமம் என சென்னை உயர்நீதிமன்ற மதுரை அமர்வு வெள்ளிக்கிழமை தெரிவித்தது.

- 

திருச்சியைச் சேர்ந்த சின்னதுரை சென்னை உயர்நீதிமன்ற மதுரை அமர்வில் தாக்கல் செய்த ஆள்கொணர்வு மனு:

எனது சகோதரர் சதானந்தம் (48) ஒரு வழக்கில் கைது செய்யப்பட்டு சிறையில் அடைக்கப்பட்டார். அங்கு எனது சகோதரரின் மனநிலையை ஆய்வு செய்த போது, அவர் நீண்டகால மனநலப் பாதிப்பால் அவதிப்படுவது தெரியவந்தது.

இதையடுத்து, எனது சகோதரரை அனைத்து குற்றச்சாட்டுகளிலிருந்தும் விடுவித்து, நண்பர்களிடமோ அல்லது உறவினர்களிடமோ ஒப்படைக்க வேண்டும் என அரியலூர் நீதிமன்றம் கடந்த 2016-இல் உத்தரவிட்டது.