ஆபரேஷன் சிந்தூர்-மகாதேவ் மூலம் பயங்கரவாத சதியாளர்களுக்கு வலுவான பதிலடி

இந்தியர்களை குறிவைத்து தாக்குபவர்களுக்கு வலுவான பதிலடி கொடுக்கப்படும்; ஆபரேஷன் சிந்தூர், ஆபரேஷன் மகாதேவ் ஆகிய இரண்டு நடவடிக்கைகளின் மூலம் பயங்கரவாத சதியாளர்களுக்கு இந்தத் தெளிவான செய்தி அனுப்பப்பட்டுள்ளது என்று மத்திய உள்துறை அமைச்சர் அமித் ஷா புதன்கிழமை தெரிவித்தார்.

- 

புது தில்லி, ஆக. 27:

மேலும், ஆபரேஷன் சிந்தூர் மக்களிடையே திருப்தியை ஏற்படுத்தியது என்றும், ஆபரேஷன் மகாதேவ் அந்தத் திருப்தியை நம்பிக்கையாக மாற்றியது என்றும் அவர் குறிப்பிட்டார்.

பஹல்காம் தாக்குதலில் ஈடுபட்ட பயங்கரவாதிகளை வெற்றிகரமாக முறியடித்த ஆபரேஷன் மகாதேவ் நடவடிக்கையில் ஈடுபட்ட 12 ராணுவ வீரர்களை கௌரவிக்கும் நிகழ்வில் உள்துறை அமைச்சர் இந்தக் கருத்தை கூறினார்.

இந்நிகழ்வில் ஆபரேஷன் மகாதேவ் நடவடிக்கையில் பங்கெடுத்த ஜம்மு-காஷ்மீர் காவல்துறை மற்றும் சிஆர்பிஎஃப்பைச் சேர்ந்த தலா இரண்டு வீரர்களும் கௌரவிக்கப்பட்டனர். அப்போது அமைச்சர் அமித் ஷா பேசியதாவது: ஆபரேஷன் சிந்துர் மற்றும் ஆபரேஷன் மகாதேவ் நடவடிக்கைகள், இந்திய குடிமக்களின் வாழ்க்கையில் விளையாடுபவர்களுக்கு ஏற்படும் விளைவுகள் குறித்து பயங்கரவாத சதியாளர்களுக்குத் தெளிவான செய்தியை அனுப்பியுள்ளன.