ஆவணங்களை முறையாக ஆய்வு செய்த பிறகே முன்பிணை வழங்க வேண்டும்

கள்ளக்குறிச்சி மாவட்ட முதன்மை அமர்வு நீதிபதிக்கு உயர்நீதிமன்றம் அறிவுறுத்தல்

- 

சென்னை, ஜூலை 28: ‘குற்ற வழக்குகளில் போலீஸாரும் குற்றவியல் வழக்குரைஞரும் கூறுவதை அப்படியே நம்பி விடக்கூடாது; எச்சரிக்கையாக இருக்க வேண்டும்’ என முன்பிணை வழங்கிய வழக்கில் ஆஜராகியிருந்த கள்ளக்குறிச்சி மாவட்ட முதன்மை அமர்வு நீதிபதிக்கு சென்னை உயர்நீதிமன்றம் அறிவுறுத்தியது.

சென்னை உயர்நீதிமன்றத்தில் லட்சுமி பாலா என்பவர் தாக்கல் செய்த மனுவில், ‘எங்களுக்குச் சொந்தமான 5 சென்ட் நிலம் எஸ்.செல்லம்பட்டு கிராமத்தில் உள்ளது. இந்த நிலத்துக்கு உரிமை கோரி, எஸ்.செல்லம்பட்டு ஊராட்சித் தலைவர் அறிவழகி, அவரது கணவர் ராஜேந்திரன் ஆகியோர் தகராறில் ஈடுபட்டு வந்தனர்.’

‘கடந்த மாதம் எனது வீட்டுக்கு வந்த அறிவழகி, ராஜேந்திரன் மற்றும் லட்சுமணன், சுப்பிரமணியன், உதயா, சபரி ஆகியோர் என் மீதும், எனது குடும்பத்தினர் மீதும் தாக்குதல் நடத்தி கொலை மிரட்டல் விடுத்தனர்.’