ஜாதிவாரி மக்கள்தொகை கணக்கெடுப்பை ஏற்கெனவே நடத்த முடியாதது என் தவறு

'ஜாதிவாரி மக்கள் தொகை கணக்கெடுப்பை ஏற்கெனவே நடத்த முடியாதது என் தவறுதானே தவிர எங்கள் கட்சியின் தவறு அல்ல' என்று காங்கிரஸ் முன்னாள் தலைவரும் மக்களவை எதிர்க்கட்சித் தலைவருமான ராகுல் காந்தி தெரிவித்தார்.

- 

புது தில்லி, ஜூலை 25:

தில்லியில் உள்ள தால்கடோரா மைதானத்தில் ஓபிசி பிரிவினரின் மாநாடு வெள்ளிக்கிழமை நடைபெற்றது. இதில் பங்கேற்று ராகுல் காந்தி பேசியதாவது:

நான் கடந்த 2004-ஆம் ஆண்டு முதல் 21 ஆண்டுகளாக அரசியலில் இருக்கிறேன். எனது அரசியல் வாழ்க்கையை திரும்பிப் பார்த்து சுயபரிசோதனை செய்யும்போது நான் என்ன நல்லது செய்தேன் என்பதும், எனது குறைபாடு என்ன என்பதும் தெரிய வருகிறது.